Popular Bible Verses from Mǒhtûlû̌hǎhtûsa 17

Share

Bǎ PhaAbra ně ô̌ lǐ̤sô̌ tôshi kû̌ lǐ̤sô̌ tôně akhanu, Cǒmara tûjû̌pwa̤ ô̌lṳ̌htò̌ bǎ lû̌û dě a hî̌ lû̌û kû̌, “He mî̌ Cǒmara dǒ apô̤aphǎ tôpwa̤. Ganǎ̤de heyô̤̌ dě ô̌htûpwa̤ ma̤tôma̤bǎ hesǎphlǒ pṳ̂̌꤮ taplǎ nî̌.

Kòyò kaǎ pe nami̤ kû̌ Abra tô̤̌, kòyò gǔ kaǎ khô̌ nami̤ kû̌ Abraha pě, (yô̤̌sǎyô̤̌mû mî̌ khlilèphû̌ dû̌wî̤ pṳ̂̌cǒ apha) ma̤titèhî̌dě he nohtûhtò̌ na kû̌ khlilèphû̌ dû̌wî̤ apha hǒ.

He sǎyṳ ma̤měma̤gle heta̤wṳ̂̌dò ayô̤̌sǎnu tûjû̌pwa̤ kû̌ na kû̌mî̌ nakhlinalè lò̤tutṳ̌ dǒ nô̌kò tokhlǒ tôhtu hto tôhtu. He glè̌ htû na Cǒmaradû̌ pě htokhôtô̤̌ he htû nakhli lò̤tutṳ̌ dǒ nô̌kò tokhlǒ a Cǒmaradû̌ pěpě.

“He ma̤ ta̤wṳ̂̌dò yô̤̌sǎ kû̌ na pô̤̌o, he olò̤ kû̌ na htû kòyò khlilèphû̌ dû̌wî̤ apha pě.

Dě Cǒmaradû̌ hî̌ lû̌û kû̌, “Tô̤̌, a bǎ mè̤̌ Khûishômelǎ tô̤̌. Nama Mǒ̤sara nî̌ a gǔ phû̌ô̌ bǎ na phû̌pwa̤khû tôpwa̤ pě, dě na bǎ kaǎ ami̤ kû̌ KhûIsè̌ pě. He ma̤měma̤gle he ta̤wṳ̂̌dò kû̌ a pě, dě ta̤wṳ̂̌dò nî̌ a mè̤̌ ta̤wṳ̂̌dò tûjû̌pwa̤ talakhǎ dǒ aya kû̌ aphû̌li̤ lò̤tutṳ̌ dǒ nô̌kò tôhtu hto tôhtu pě. (Isè̌ yô̤̌sǎyô̤̌mû mî̌ a sǎyî̤̌, ma̤titèhî̌dě bǎ a ganǎ̤de kû̌ a gǔ nǐ̤bǎ phû̌pwa̤khû akhanu a sǎyî̤̌.)

Khanagǎ tôgǎ lǒ̤bò dǒ na ô̌ ǐ a sô̌sô̌kû̌ shilǎ̤gǎkhlophû̌ tôpwa̤ khònò̤̌nu, he gǔ ǐlò̤ kû̌ na kû̌ nakhlinalè lò̤tutṳ̌ dǒ nô̌kò tokhlǒ tûjû̌pwa̤ pě dě he gǔ htû asî Cǒmaradû̌ pě.”

PhaAbraha dô̌gînî̤ û̌lò̤ dě asǎyî̤̌ dě a hî̌lò̤ tûû̌ dǒ asǎphlǒkû kû̌, “Kòyò dǒ aně ô̌ kèhto tôya̤ hǒ tôpwa̤pwa̤ numî̌ a phû̌ô̌jò penô̌tô̤̌ yahî̌? Mǒ̤sara dě aně ô̌ lǐ̤sô̌tishi dě a cû̌ phû̌ô̌jò hî̌tè pěya?”

Cǒmaradû̌ hî̌ PhaAbraha kû̌, “Nama Mǒ̤sarè̌ nudě, na bǎ kaǎ pe lû̌û kû̌ Mǒ̤sarè̌ tô̤̌, bǎ kaǎ khô̌ ami̤ kû̌ Mǒ̤sara pě.

Sî bǎ dǔsîlǐbě, dě ta̤dǔsîlǐbě numî̌ a dǔlè̌lṳ̌ kû̌ sî kû̌ he ta̤wṳ̂̌dò ta̤ma̤mǎnǎ tôcǒ hǒ.

Bǎbǎkǎlè he ta̤wṳ̂̌dò nunî̌, he ma̤měma̤gle kû̌ KhûIsè̌ dǒ Mǒ̤sara glè̌ phû̌ô̌ lû̌û htû̌ něbǎpě pô̤̌ khònò̤̌khanu pě.”

Lǒ̤bò pwa̤khû dǒ sîkhlisîlè akla a lò̤tutṳ̌ tôhtu hto tôhtu tokhlǒnu, a kè̌ behtò̌ ni̤lǐ̤sô̌ hî̌dě a bǎ dǔsîlǐbě. Dě kòyò dǒ a ô̌phijǎlò̤ bǎ sîhǐdǒkû nutokhlǒ bǎbǎ, sîkhlilè mè̤̌tô̤̌ nutokhlǒ bǎbǎ, shilǎ̤gǎkhlophû̌ pwǎ bǎbǎ sî pwî̤ ge asî kû̌ ru pô̤̌ jû̌ nutokhlǒ bǎbǎ, asî bǎ dǔsîlǐ bò bě pṳ̂̌꤮ tôpwa̤. Jû̌pwa̤khû dǒ a ô̌phijǎlò̤ dǒ sîhǐdǒkû tokhlǒnu bǎbǎ, sî pwî̤ge asî kû̌ ru nutokhlǒ bǎbǎ, kòyò bǎ dǔsîlǐ bò bǎ asîbě. Sî kè̌ ma̤ pô̤̌nudě he ta̤wṳ̂̌dò nî̌ a ma̤mǎnǎ dǒ sîphěsîyî̤̌lô̤ hǒ, dě a dǔlṳ̌htò̌ kû̌ ta̤wṳ̂̌dò nî̌ a ô̌měô̌gle tûjû̌pwa̤ hǒ.