Popular Bible Verses from Pwa̤nophû̌ 14

Share

“Sî cû̌ma̤ pô̤̌o ma̤titè? Pa mî̌ kòyò sô̌sô̌kû̌ sî pwǎ. Pa hè shôbǐǐ bǎ sî ta̤sǎlě̤we̤kè pwǎ. Pa sǎyṳ shôbǐǐlṳ̌ bǎ sî kû̌ cabape tǎ̤ lô̌khô ta̤ dǒ yô̤̌mûyô̤̌sǎ ô̌tô̤̌ nutokhlǒ tǎ̤mǎ̤. Pa sǎyṳ nocaba sî kû̌ Cǒmara dǒ a htûpwa̤ nutôpwa̤. A mî̌ Cǒmara dǒ a bô̌lò̤ mǒkhû̌hǎkhû̌, shidû̌te̤we̤ kû̌ ta̤ dǒ a ô̌ dǒ ta̤nutokhlǒ akû lǒ̤꤮bò tôpwa̤ pwǎ.

A hǎnòò̌ ganǎ̤de Khûpò̌lǔ shôbǐǐta̤ bǎnu. Khûpò̌lǔ kè̌tě̤tě̤mè̤̌mè̤ lû̌û dě a sî̌ganǎ̤ kû̌ a ô̌ kû̌ a ta̤yṳ̌ta̤nǎ̤ dǒ a ma̤hǎmǎbò̌ lû̌û khò̌lôpô̤̌dě akhû̌akhî, a yî̤̌kǒhtò̌ lû̌û kû̌, “Ihtǒmò̌” Dě kòyò khò̌lôpô̤̌dě nutôpwa̤ pě̤ ihtǒ cû̌le̤cû̌ge bǎnu.

Dǒ ta̤dòkû tôprṳ̂ kû̌ tôprṳ̂ akûnu, Khûpò̌lǔ kû̌ Khûbanabǎ rû̌htò̌ bǎ asî mǒ̤khumǒ̤pwǎ̤ dǒ a bǎ htû ikǒlǒkòdû̌ tokhlǒ. Dě a kwicaba bǎ asî, htodě a dǔǎ shǎǎshǎô, a ma̤hto pô̤̌nudě a ǐlò̤kè kòyò nutokhlǒ dǒ Běcǎ dǒ asî yṳ̌ǎ sanǎ̤ tûû̌ nutôpwa̤ a cǔdekû.