Popular Bible Verses from Pwa̤nophû̌ 11

Share

Bǎ a kè̌shǐ lû̌û akhanu, a kaǎge lû̌û dǒ Wî̤̌Atiò. Dě asî nusò̌ginǐ̤ kè̌shǐ shěshu kû̌ ta̤dòkû bǎnu tokhlǒ tôně꤮ bǎ. Dě a sû̌ǐtòwòǐlò̤ bǎ dû̌wî̤ kòyò ô̌ bǎnu tokhlǒ. Kòyò kaǎwǐlǒ ta̤dòkûphû̌ tokhlǒ kû̌ Khrǐphû̌ mî̌ bǎ Wî̤̌Atiò nuhǒ.

Dě bǎ a cû̌tǒ̤ akha, a cû̌kè̌shǐ kû̌ kòyò nutokhlǒ nǐ̤bǎ Cǒmara abwǐsîrî akhû̌akhî, a sǎlě̤sǎlò̤ jî̌ dě pô̤̌khô asî gǔ ô̌htûpwa̤ cǒtè̤ hènè kû̌ Běcǎ dě, a ǐkhû̌ǐǎ shò̌ pô̤̌ asîkò. Khûbanabǎ mî̌ kòyò dǒ awô̌ dě a lǒbe kû̌ Yôla Plò̌shǐ Běcǎ tôpwa̤. Dě a mî̌ kòyò dǒ a ta̤yṳ̌ta̤nǎ̤ shû̌sho tôpwa̤. Dě a ma̤jè̌ dû̌wî̤ kòyò dě kòyò yṳ̌nǐ̤nǎ̤nǐ̤ dû̌wî̤ Běcǎ.

Ma̤pô̤̌nudě pa yṳ̌ǎ Běcǎ Yeshǔ Khrǐ dě Cǒmara ǐ pa sû. Pô̤̌nudě Yǔdaphû̌ mè̤̌tô̤̌ dǒ a yṳ̌ǎ sô̌sô̌kû̌ pa tokhlǒ nu, Cǒmara kè̌ ǐ sô̌sô̌kû̌ asî sû pô̤̌ a ǐ panu kè̌hî̌dě he mî̌ kòyò tôpwa̤ dǒ a ma̤tě̤tṳ Cǒmara aklè̌aklò tôpwa̤ ya?” Khûpetarǔ hî̌ bǎ asî pô̤̌nu. Bǎ asî ganǎ̤de ta̤we̤ta̤kè hǒo akhanu, asî pî̤jî̌ǐsho pe Khûpetarǔ tô̤̌. Dě a htû̌sò̌htò̌ lô̌khô Cǒmara kû̌, “Kè̌ a mè̤̌mî̌ca pô̤̌nu hî̌dě Cǒmara ǐbǎtû̌ Yǔdaphû̌ mè̤̌tô̤̌ tokhlǒ ta̤shěkhǎ wô̌ dǒ a gǔ yò̤lǎ̤plǎdî̌ lô̌khô asǎphlǒ dě a gǔ nǐ̤bǎ lô̌khô ta̤htûpwa̤ pě.”