Popular Bible Verses from Luke 3

Share

Ma lalae mai, si maṉa na kera babataesia naa toa eki sui bana, tha Jesus kera babataesia lau boo, me foa, thalo lo ka ifi, Ma tha Spirit Abu e sifo mai ana seena do, ka ’uria bola mela, fafi nia, ma liṉana tee ṉata la too mai thalo lo, ka sorea, Ni oe Kaluwane liliothaua nau; e lea iaku uri oe.

Tha Jone e luuda, ka soree isada sui, Nau ku babataesi kamulua boo ana kafo; ma tee wane kai lae mai ne sukwai ka tatha iaku, na si kwao ana butu nia ki kwasi farana luke lana: nia kai babataesi kamulua atha Spirit Abu bia era

Mania muki fuṉu ana foee do ne farana manata akele la, ma musi thafalii sorea i la ruruumulua, Amilia tha Aberahamo ana maka kamilia: sulia ku soree isamulua, Tha God e thaitoomana tharasi lana wela ki ana fau nei ki ifatha Aberahamo.

Ma si maṉa eri lau boo kera alua naa matau ka teo naa isana laila ’ai ki: mania ’ai ni sui bana ne ai si fuṉu ana foee do lea, keka kasia, ma keka naṉa ania i la era.

’Uria si do na kera keda i la buka ana bae lana tha Aisaia ṉa porofeta, be una eri, Liṉana ṉata lana tee wane kei ’ei la fanua kwasi Muki beta tala tha Lord ka kwaimaakwali, Beta tala nia ki ka kokoto. Kurua ni sui keki faafuṉua, Ma gwa tolo ni sui ma fanua ni sui ne adataela keki demasia; Ma si kula kekeo kai kokoto, Ma tala eki ne kwakwaruṉaa kai dedema; Ma imole ni sui keki rikia marukia tha God.