Popular Bible Verses from Mateo 28

Share

Tahejod ma emiin a toon gwared emiin a ili say manbalin iren disipolos ko. Bonjagi yo ira na ngaran Awa tan sema Anak tan sema Ispirito Santo, et itoroi yo ira say onoran chen emiin i inbilin kod si-kayo. Nemnem jo pay i gwaraak cha si-kayo na olay ingkathod kekcheng niyay a timpo.”

Imesop mes Jesus ired ma disipolos to, et kigwan to i “Emiin a karebengan cha dangit tan chiya dobong, iyay-i-kan cha si-kak.

Kigwan men ma anghil cha bibii i “Enog i tahot. Amtak i jowan anafes Jesus a iyaydansed koros. Nem nagwared jay tep iyanpawil a inges toy kigwan tod si-kayo. Gwali jo et si-neng jo. Chiyay i iyay-oligan to.

Kigwan men Jesus i “Enog i tahot. Jo kowan ired ma aahik i onkowan ired Galilee say metaen chaak chiwan.”

Sema iren aafo na papari tan iyangkaama, iyansi-si-nop ira say tabtabalen chiy pesing cha. Say iyanbalinan to, siyoksohan chiy sosolcharo na banay a katad na pilak. Binidin cha ira pay i “Kowan jod tothoo i nonta kalebian a kejino-kow kayo, kinibot iren ma disipolos Jesus i angel to. No iki-ngelan na gobirnador iyay, mahaamta kawin memnek cha si-katho say nagwariy mepesamak cha si-kayo.” Ida wa iren ma sosolcharoy pilak, et imag cha ma iyaybilin. Et ingkathod niman, sejay i naiyaygwanggwanggwang cha Hodjos.