Popular Bible Verses from Luke 14

Share

“Sema toon piyan ton manbalin na disipolok, mesepol a sema semek tod si-kak, mas banay iy say semek tod awa tan ineto, sema imbaliy tan aanak to, sema bobonat to, tan angken sema biyag to. Tep no nat a-magen to man, nat mebedin a manbalin na disipolok.

Mesepol ngon sakbathen toy koros to et may-odop cha si-kak. Tep no nat a-magen to, nat mebedin a manbalin na disipolok.

Tep sema toon mengikayang na angel to, maykombaba, tan sema ngon toon mengikombaba na angel to, maykayang.”

Isonga, pannemnemnem kayon chili. Tep no piyan jon manbalin na disipolos ko, mesepol a bebnekan joy emiin a gwared si-kayo.”

“No bilang i sa-kid si-kayoy piyan ton mengitgwen na banay a baliy. Nat ontokkong nin aya et kowintaen to no piyay kastosen to say amtaen to no on-anay i pilak to ingkathod mekcheng? Mapteng no pesing to man, nahol ni no kekchengen ton mengitegwen na tohod, ma-pos emo waliy pilak to, et nat mebedin a kekchengen toy baliy to. Et emiin a meni-neng, ngi-ngian chen konen cha i ‘Inchogin ma toon mengitegwen na baliy to, nem nat mahakecheng to.’

No diket no pekanen moy chakel a too, inbitar mo ngo ira ma iyangkebitheg, iyangkepilay, iyangkekorab, tan sema iren gwariy echaral a parti na angel cha. Et kagol a nat kabaalan chen mansobalit cha si-kam, magesat ka. Tep si Afo Chiyos i mansobalit cha si-kam no akow a pengipawil to iren ma mangkaronong a too.”

Kigwan pay Jesus i “Mapteng i asin, nem no ondamsis, ngoy pesing ton may-oliy namnam to? Nagwara wiy silbi tho, angken maydaok cha pithek ono maosal a abono. Mesepol a maykepil. Si-kayon manki-ki-ngel, nemnem jon pasiyay inki-ngelan jo.”