Popular Bible Verses from John 7

Share

Tep kigwan tod ma esel Afo Chiyos maypangkep na toon naematid si-kak i ‘Singen gwared si-kathoy temtem a nabimo-dayan na chanom a naengi-kan na podnon biyag.’ ”

Nonta kaonoran a akow na piyasten kainportantian a akow to, imakgwat si Jesus, et inpekes toy esel ton kigwan to i “No gwared si-kayoy iya-kow, onkowan koma did si-kak say man-inom.

Say engibanagan Jesus niwan, sema Ispirito Santon ito-non Afo Chiyos a man-iyan cha poso iren ma naemati. Nem nontan a timpo, aneng nin mayto-no di ma Ispirito Santo tep nat mechejaw pay nin si Jesus babaen na ketiy tan ioli thod dangit.

Sema pengowis jo, nat ibasar jo komed si-nengen jo nin, no diket ibasar jod kosto tan mapteng.”

Sema toon naengowan niwa naedafod nemnem to bengat, naina-inap toy chayaw na tood si-katho. Nem no si-kak, say piyan ko, si Afo Chiyos a engito-no did si-kak i maychejaw. Et seman i mengipaneknek i podnoy ogadik tan nagwariy doho-dohod si-kak.

Et insongbat Jesus i “Sema naintorok, nat naedafod nemnem ko, no diket naedafod nemnem Afo Chiyos a engito-no did si-kak.

Sema iren tood ja dobong, nat mebedin a owesen cha kayo, nem si-kak, en-owes chaak tep piyaneknekan ko i ngaaw i naima-imag cha.