Popular Bible Verses from John 5

Share

“Sejay a konen kod si-kayo, podnon angken siyen toon mengi-ngel na kowan kona et memati ngod engito-no did si-kak, gwara did si-kathoy biyag a nagwariy pengingkaan to. Nat mechosa tep nat iyaysi-jan med Afo Chiyos a singen etiy, no diket iyay-i-kanan na biyag a nagwariy pengingkaan to.

Miten Jesus iwa mansekit a man-oolig chiwan, et amta tho i ebayag i sahit to. Et inbagen Jesus cha si-katho i “Piyan mon ma-kal i sahit mo?”

Naiyacha-achal joy esel Afo Chiyos tep kin jo i chiwan i pengedaan jo na biyag a nagwariy pengingkaan to. Nem sema esel Afo Chiyos, si-kathoy naenistigo maypangkep cha si-kak, nem eg jo pay piyan a mematid si-kak say gwara did si-kayoy biyag a nagwariy pengingkaan to.

Et kigwan Jesus i “Bangon ka, alam itha kamen mo, et pan-ekad ka.” Et mimapteng a chakos iwa dahi, et ida tho ma kamen to et iyan-ahad. Sema akow a inmapteng niwa dahi, sema Sabbath a akow na pan-inana na Hodjos.

Et kigwan Jesus ired ma Hodjos i “Sejay a konen kod si-kayo, podnon si-kak a Anak Afo Chiyos, nagwariy mebedin a a-magen ko no si-kak bengat, no diket naimag ko bengat iwa nasini-neng kon naimag Awak. Tep angken nengoy a-magen Awak, si-katho ngoy a-magen ko.