Popular Bible Verses from Lǔka 3

Share

Bǎ kòyò saprṳ̂ plohtobò ana̤ ta shi akhanu, Běcǎ Ye̤shǔ plo kû̌ kò shi anǒkò. Bǎ a kwisaba akhanu, mǒkhû̌ bòmo htò̌. Htodě Běcǎ sǎcahtǐ sûlû ana̤ pwǐ htû̌li̤cò̌ dě a hèlò̤ǒ nû̌ûlo̤. Bǎnuakha yo̤po̤htò̌ mǒkhû̌ dě a hî̌, “Na mî̌ hephû̌khû htě he mo̤ǐyǎ dě a ma̤mo̤ he sò̌phlǒ tapwa̤.”

Hǐnu akhû̌akhî, Jowǎ̤ni̤ hî̌ asî pṳ̂̌꤮ tapwa̤, “He plo sî ta shi, pwǎ̤ta kò htě a sîrîpo̤phǎ shû̌shokhlo ta he tapwa̤nu a hè pě. He bòphlǔ pwǎbǎ yǎ khò̌phěpli̤nu he gwata a tò̤. A hèplo sî ta Běcǎ sǎcahtǐ ta mî̌ pě.

Sî dè yò̤lò̤ge mè̤mè̤̌ sî sò̌phlǒ dèhî̌dě dǔlṳ lǒkho sî ta̤ǒhtûpwa̤ toǒ ta sî ǐlò̤ sî sò̌phlǒsǔshi toǒ. Hî̌htohî̌lò̤ pûma̤ sîna̤ ta, ‘Pa mî̌ Abraham akhlialè’ numa̤. He hî̌ sî, Cǒmara ma̤htûhtò̌ lo̤ htǒotoǒ ta Abraham aphû̌ mî̌ a ma̤jò pwǎ.

Kû ǒ dě sǒkhòshî̌ tabǎ dě kò gûga sǒmṳ toǒ pě, dě kò cǒtṳto̤ akhò̌wi̤ pě. Sǒmṳ tṳmṳmṳ htě asǎapho wîǎ tò̤nu, kò gûgakè yǎpě dě kò wînṳkè yǎ dě mî̌kla pě.”

Pwǐ Cǒmara ale̤ayo̤ khwè̌nǎhto dě pwa̤po̤ Isaǐa a lî̤kûnu, dě a hî̌, “Kòyò tapwa̤ yi̤kǒhtò̌ lo̤měshǒkla dě a hî̌, ‘Ma̤wǒnǎ lǒkho klè̌ ta Běcǎ aya. Ma̤cǒma̤nò̤ lǒkho Běcǎ la̤hèklè̌ aya tabo nî̌꤮. Lo̤to̤kû lǒ̤꤮ bò toǒnu, bǎ sǒbǐbò. Khomǔkholo ta khoplǔkhû̌ lǒ̤꤮ bò toǒ, bǎ ma̤gunò̤ bò. Ma̤nò̤bò klè̌ htě a te̤gwenu toǒ. Bǎ ma̤sî̌bò klè̌ htě a tinitǒnǒ toǒnu. Kòyò pṳ̂̌꤮ tapwa̤ kè̌shǐbò Cǒmara wû̌lǎ pwa̤htè̌ge kòyòphû̌khû htǒonu tapwa̤ pě.’”