Popular Bible Verses from Mǒhtûlû̌hǎhtûsa 39

Share

Cǒmara tûjûpwa̤ ǒkû̌ ta Jǒjè akhû̌akhî, a ma̤ titètè̌꤮ mî̌ adû̌htò̌htûhtò̌ dě a ǒkû̌ aběcǎ Egypt khlilèphû̌nu tapwa̤ ahǐ.

Hǐnudě a nokè̌ǐkhwè̌ǐbò ata̤kî̌ta̤kû̌ ta Jǒjè pṳ̂̌꤮ tacǎ, alo̤bǎ kè̌gekhîpe dǐcǎ꤮ tò̤. A sî̌yapwǎ pǒ̤꤮ la̤ǎla̤o tacǎ pa pwǎ. Jǒjè mî̌ apha aphawî̤phatè̤ mè̤mè̤̌.

Hǐnuakhû̌akhî pwa̤ǒpo̤ apo̤ hǐkǒdû̌nu tapwa̤ nopǒǐbò Jǒjè ta kòyò ǒ bǎ apo̤kûnu toǒ. Bǎ apo̤kûnu a htûhtò̌ titètè̌꤮ bǎbǎ a nopǒǐbò nû̌û dě a htokèbò ta Jǒjè pwǎ.

Dě a pṳ̂ Jǒjè dě a dǒlò̤te̤ nû̌û apo̤kû bǎ kò dǒlò̤te̤ ta kòyò htě a ma̤sǔ Khwǐ nutò̤glò. Dě Jǒjè bǎ lò̤te̤nṳ ǒkè apo̤kû. Pwǎ̤tadě Cǒmara tûjûpwa̤ ǒkû̌ nû̌û dě a mo̤ǐ nû̌û ta ta̤mo̤ǐ htě ahǎbòjò tò̤, dě pwa̤ǒpo̤ apo̤ hǐkǒdû̌nu tapwa̤ kè̌dû̌ǐ mè̤mè̤̌ nû̌û.

Bǎ anǒnu aběcǎ ama kè̌ nû̌û ta sò̌yṳ nû̌û dě a hî̌ nû̌û, “Nṳhǎmoǒhtu kû̌ta he.” Pwǎ̤tadě Jǒjè htè̌shǔkè yǎ dě a hî̌ nû̌û, “Gènè̤kè̌ mò̌, ta̤kî̌ta̤kû̌ lǒ̤꤮ bò dě hǐdǒkû htǒo, heběcǎ lo̤bǎ kè̌gekhîpe ta ana̤ dǐcǎ꤮ tò̤ hǒ, a nopǒǐbò he ta ata̤kî̌ta̤kû̌ lǒ̤꤮ bò. Bǎ hǐdǒkû htǒo kòyò htě adû̌khlo ta henu a ǒpe dǐpwǎ̤꤮ tò̤. Heběcǎ ǐlò̤bò ta̤ pṳ̂̌꤮ tacǎ dě hecǔdekû. Na htû ama akhû̌akhî, a ǐto̤ na htǒo ta he tò̤. He glè̌ cû̌ ma̤tǒ̤ ta̤sǔ phû̌mò̤shî̌hto dû̌꤮ htǒo tacǎ dě a ma̤ tukutakǎshǔ Cǒmaradû̌ htǒo hî̌tè?”

Ti̤ni̤kha, bǎ Jǒjè cû̌nṳma̤ ata̤ma̤ dě hǐdǒkû akhanu, bǎ hǐdǒkûnu pwa̤ma̤ta̤ma̤phû̌ ǒ dǐpwǎ̤꤮ tò̤. Taplǎdě hǐkǒdû̌ Pò̌tǐpha ama cǐmě nû̌ûhǐdopo̤to̤ dě a hî̌ nû̌û, “Cû̌ hǎmoǒhtu ta he nî̌꤮,” a tǐ̤ cǐmě Jǒjè hǐdo dě Jǒjè khlè̌hǎhtò̌kè hǐdòkû̌khlo dě ahǐdopo̤to̤ ǒkè nû̌ûcǔdekû.