Popular Bible Verses from Mǒhtûlû̌hǎhtûsa 28

Share

Dě nacû̌ bǎtè tò̤glò tè꤮ bǎbǎ, he ǒkû̌ ta na pě, he ma̤kwaǐ tû̌ na pě. He kaǎ gesǒtû̌ na bǎ gahtǒo taga pě. Pwǐ he olò̤hto na htǒonu, a dè lǒbehtò̌ hǒtò̤ hî̌mî̌, he wîkè nǒ na tò̤,” Cǒmaradû̌ hî̌ Yǎ̤kò hǐnu.

Cǒmara tûjûpwa̤ ihtǒ ǒ khǔbokhi dě a hî̌, “He mî̌ Cǒmara tûjûpwa̤ htě a mî̌ naphi Abraham acǒmaradû̌ ta napha Isǎko acǒmaradû̌ tapwa̤hǒ. Ga htě na hǎmoǒ ǐyǎ a khònò̤htǒo taganu, he ǐ yǎta na ta nakhlinalè toǒ pě.

Dě bǎ Yǎ̤kò shî̌nǎ akha, a hî̌, “Kǒ꤮ Cǒmara tûjûpwa̤ ǒ mè̤mè̤̌ bǎo lè, a ǒ bǎo dě he sî̌ya tò̤tò̤.”

Dě Yǎ̤kò bè ayo̤ dě a hî̌, “Cǒmaradû̌ dè ǒkû̌ ta he, a dè ma̤kwaǐ he ta he cû̌yî̤klè̌ htǒotaplǎ, dě a dè ǐ he la̤ǎla̤o la̤kûla̤sǒ, Htohǒtò̤ he dè geto̤mo̤ geto̤wǒbò̌ gesǒ hepha ahǐ hî̌mî̌, Cǒmara tûjûpwa̤ htǒo a htû he Cǒmaradû̌ pě. Htodě lo̤ htě he doihtǒ ma̤dòǐkè yǎta ta̤sî̌yahtò̌nu tamanu, a htûtû̌ Cǒmaradû̌ ahǐ pě, ta̤ lǒ̤꤮ bò htě na ǐ he toǒnu, he ǐ gesǒ yǎta na apû̌shǐ tûpû̌ pě.”

Nakhlilèhtǒo a ǒwo̤ǒphǎ sǒsǒta hǎmǔ bǎ hǎkhû̌nu toǒ pě. Asî ǒpîshî cû̌bòtû̌ mṳhtò̌ mṳlò̤ cǔmû cǔcî̌ pě. Dě na ta nakhlilèhtǒo akhû̌akhî, khlilèphû̌ dě hǎkhû̌ htǒotoǒ lǒ̤꤮ bò nî̤bǎ tṳtṳ kû̌ ta̤howi̤homò̤ pě.

Dě a kaǎǐ gûla̤ bǎnu tò̤glò ami̤ ta Betelǎ, dě awǐkha wî̤nu tî̤wî̤ mî̌ kò kaǎ nû̌ûmi̤ ta Lṳ̌sawî̤. (Betelǎ amûasǎ mî̌ Cǒmaradû̌ ahǐ.)