Popular Bible Verses from ᤗᤢᤁᤠ 2

Share

ᤌᤣᤀᤠᤱᤓᤧᤸᤗᤧ ᤀᤠᤀᤡᤴ ᤍᤠᤀᤢᤍᤖᤧ ᤁᤢᤒᤠᤱᤈᤢᤶᤔᤥ ᤂᤡᤏᤡ᤹ ᤗᤠᤃᤡ ᤛᤧᤴᤗᤵᤍᤠᤱᤒᤠᤴ ᤛᤠᤘᤠ᤺ᤴᤇᤡᤱᤅᤠᤱ ᤘᤠ᤹॥ ᤂᤢᤏᤧ᤹ᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤍᤠᤱᤒᤠᤖᤥ॥

ᤁᤖ ᤔᤠᤱᤗᤠᤀᤡᤱᤒᤠᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤔᤧᤃᤡᤛᤧᤶᤔᤡᤴᤏᤧ᤹ᤀᤥ᥄ ᤁᤠᤰ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤛ᤺ᤳᤗ ᤑᤠ᤹ᤀᤠᤱ ᤀᤡᤱᤃᤠ᤹ ᤂᤡᤏᤡ᤹ ᤗᤠᤃᤡ ᤛᤢᤏᤠᤀᤡᤱ ᤋᤠᤖᤢᤱᤅᤠᤱ ᤘᤠ᤹ᤀᤠᤖᤥ॥

“ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥᤱᤗ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤢᤱᤔᤠ᤹ ᤋᤢᤰᤋᤢᤛᤡᤒᤠ ᤔᤏᤠᤜᤠ᤹ᤖᤧ ᤛᤏᤠᤖᤢᤱ ᤔᤧᤄᤥᤛᤢᤖᤖᤥ॥”

ᤀᤰᤂᤣᤗ᤹ᤖᤡᤰ ᤕᤧᤛᤢᤴ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ ᤏᤢ ᤏᤠᤛᤡᤱᤃᤧᤴ ᤌᤰᤁᤥ ᤐᤥᤖᤧ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤢᤏᤧ᤹ᤏᤢ ᤛ᤺ᤳᤋᤧ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤀᤠᤱ ᤔᤧᤛ᤺ᤳᤋᤧᤖᤥ॥

ᤀᤅᤧ᤺ᤰᤘᤠᤴ ᤋᤣ᤺ᤳᤋᤡᤸᤗᤧ ᤔᤧᤛᤢᤅᤢᤀᤠᤱ ᤘᤠᤄᤥᤱᤅᤥ ᤔᤧᤀᤡᤵᤋᤢᤀᤠᤱ ᤏᤧᤒᤠ ᤁᤧᤏᤡᤛᤢᤶᤗᤥ॥ ᤂᤡᤏᤡ᤹ ᤗᤠᤃᤡ ᤒᤠ ᤂᤧᤴᤏᤡᤴᤏᤣ ᤔᤡᤰᤛᤣᤴ ᤐᤥᤱᤗᤥ॥”

ᤂᤧᤴ ᤕᤧᤶᤔᤥ ᤗᤠ᤺ᤰᤁᤠᤳ ᤆᤦᤖᤡᤀᤥ ᤁᤢᤓᤠ ᤔᤧᤸᤗᤢᤰᤁᤶᤒᤠᤜᤠ᤹ ᤂᤢᤏᤡ᤹ ᤔᤧᤸᤗᤢᤰᤜᤠ᤹ ᤔᤧᤃᤥᤛᤢᤛᤡᤖ ᤛᤧᤴᤍᤡᤰ ᤔᤧᤕᤢᤅᤧ॥ ᤂᤧᤵᤔᤥ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤎᤡᤰ ᤀᤥᤛᤣ᤺ᤴᤎᤠᤰᤛᤡᤱ. ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤁᤢᤔᤡᤔᤡᤍᤡᤱᤅᤡᤴ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ ᤁᤢᤀᤡᤛᤡᤰ ᤂᤢᤏᤡ᤹ ᤂᤡᤖᤡ ᤗᤧᤰᤋᤧᤖᤥ॥ ᤂᤧᤱᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧ.