Popular Bible Verses from ᤗᤢᤁᤠ 10

Share

ᤏᤡᤱᤔᤡ᤺ᤸᤗᤧ ᤁᤢᤔᤢᤰᤛᤠᤶ ᤛᤶᤍᤠᤱ ᤀᤡᤱᤃᤠ᤹ ᤕᤢᤰ ᤐᤡᤏᤡᤱᤅᤠᤱ ᤘᤠ᤹. ᤜᤧᤰᤁᤩᤠᤱ ᤀᤛᤣ᤺ᤰᤐᤠᤜᤠ᤹ ᤛᤶᤍᤠᤱ ᤂᤡᤏᤡ᤹ ᤗᤠᤱᤁᤧᤄᤣᤃᤡ᤹. ᤋᤠᤱᤛᤠᤱ ᤂᤧᤒᤰᤜᤠ᤹ ᤁᤧᤍᤥ᤹ᤖᤢᤶᤛᤡᤶ. ᤁᤖ ᤌᤣᤀᤠᤱ ᤁᤧᤔᤧᤶᤔᤧᤳᤋᤡᤴᤗᤥ॥

ᤁᤖ ᤕᤧᤛᤢᤖᤧ ᤔᤧᤳᤋᤢ. “ᤔᤠᤷᤌᤠᤀᤣ. ᤂᤧᤏᤧ᤹ᤃ ᤕᤖᤡᤰ ᤐᤠ᤺ᤴᤜᤠ᤹ᤀᤥ ᤏᤡᤱᤘᤠ᤹ ᤁᤧᤒᤡᤖᤢᤀᤠᤱ ᤀᤠᤒᤠᤅᤣ ᤋᤢᤰᤂᤣ ᤁᤧᤈᤠ᤺ᤳᤇᤡᤱᤅᤠᤱ ᤁᤧᤘᤠ᤹ᤖᤥ. ᤁᤖ ᤁᤧᤕᤧᤰᤐᤠ ᤗᤰ ᤌᤡᤰᤗᤰ ᤘᤠ᤹ᤖᤥ. ᤜᤧᤰᤁᤩᤠᤱ ᤔᤖᤡᤕᤔᤖᤧᤃ ᤂᤧᤴ ᤏᤢᤒᤠ ᤗᤰᤁᤡᤴ ᤛᤣᤃᤢᤀᤠᤱ ᤘᤠ᤹ᤖᤥ॥ ᤂᤢᤏᤧ᤹ᤏᤢ ᤂᤧᤴ ᤗᤰᤁᤡᤴ ᤏᤠᤵᤔᤠ ᤛᤢᤰᤔᤧᤍᤧᤳᤏᤧᤴᤗᤥ॥”

ᤂᤧᤸᤗᤧ ᤏᤥᤃᤵ ᤐᤡᤖᤢ. “‘ᤂᤧᤏᤧ᤹ ᤁᤧᤴᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤖᤧᤰ ᤁᤧᤛᤡᤰᤗᤢᤱᤔᤠᤸᤗᤧ. ᤁᤧᤖᤧᤰ ᤁᤧᤛᤰᤔᤠ ᤛᤠᤶᤔᤡᤸᤗᤧ. ᤁᤧᤖᤧᤰ ᤁᤧᤎᤢᤶᤔᤡᤸᤗᤧ ᤜᤧᤰᤁᤩᤠᤱ ᤁᤧᤖᤧᤰ ᤁᤧᤏᤡᤱᤘᤠ᤹ᤀᤡᤸᤗᤧ. ᤔᤡ᤺ᤶᤈᤡ ᤔᤧᤳᤋᤧ᤹.’ ᤜᤧᤰᤁᤩᤠᤱ ‘ᤀᤠᤵᤑᤣᤰ ᤗᤢᤱᤔᤠ᤹ ᤁᤧᤍᤢᤰᤛᤡᤱᤒᤠ ᤁᤢᤀᤡᤛᤡ᤺ᤰᤁᤣ ᤁᤧᤜᤡᤶᤒᤣᤛᤠᤱᤒᤠᤜᤠ᤹ᤀᤠᤱ ᤗᤢᤱᤔᤠ᤹ ᤋᤢᤰᤋᤧᤛᤧ᤹ᤀᤥ॥’”

ᤜᤧᤰᤁᤩᤠᤱ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡ. “ᤛᤢᤶᤔᤠ ᤁᤧᤒᤥᤱᤒᤠ ᤆᤠ᤺ᤴ ᤕᤖᤡᤰ ᤏᤧ᤹᤺. ᤁᤖ ᤆᤠ ᤁᤧᤛᤢᤶᤒᤠ ᤕᤠ᤺ᤗᤡᤰᤜᤠ᤹ ᤔᤧᤛᤢ᤺ᤴᤗᤥ॥ ᤜᤧᤰᤁᤣ᤺ᤸᤗᤧ ᤛᤢᤶᤔᤠ ᤁᤧᤒᤥᤱᤒᤠ ᤆᤠ᤺ᤸᤗᤧ ᤁᤢᤴᤍᤠᤱᤒᤠᤴ ᤕᤖᤡᤰ ᤕᤠᤗᤡᤰᤜᤠ᤹ ᤆᤠ ᤛᤢᤶᤛᤧ ᤐᤠᤱᤄᤢᤛᤡᤖ ᤑᤠ᤹ᤀᤠᤱ ᤂᤡᤏᤡ᤹ ᤋᤢᤘᤠ ᤆᤥᤃᤧᤶᤔᤧ᤹ᤀᤥ॥

ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤛᤣ᤺ᤴᤗᤠᤵᤋᤢ. “ᤁᤴ ᤛᤢᤶᤛᤡ ᤔᤏᤠᤜᤠ᤹ᤀᤥ ᤀᤠᤳᤋᤡᤴ ᤔᤏᤠᤴ ᤑᤠ᤺ᤴᤍᤠᤜᤠ᤹ᤖᤧ ᤔᤧᤕᤠᤱᤄᤢᤒᤠᤸᤗᤧᤴ ᤁᤧᤏᤢ᤹ᤒᤠ ᤁᤢᤜᤡᤶᤒᤣᤛᤠᤱᤒᤠ ᤐᤥ᤺ᤰᤂᤧ ᤑᤠ᤹ᤀᤠᤱ ᤁᤧᤀᤡ᤺ᤳᤋᤢᤒᤣ᥅” ᤂᤧᤴ ᤛᤠᤶᤕᤥᤌᤡᤶᤛᤠᤶᤒᤠᤸᤗᤧ ᤏᤥᤃᤵ ᤐᤡᤖᤢ. “ᤂᤢᤏᤧ᤹ ᤁᤶᤒᤪᤠᤱ ᤁᤧᤔᤧᤵᤐᤧᤴᤗᤥ॥” ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤐᤣᤃᤧ᤹ᤀᤠᤱ ᤂᤧᤏᤧ᤹ᤀᤠᤱ ᤒᤠ ᤜᤧᤰᤁᤣᤀᤣ ᤆᤥᤃᤧ᤹ᤀᤥ॥”

ᤔᤧᤸᤗᤢᤰᤛᤠᤜᤠ᤹ ᤐᤖᤠᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤐᤠᤱᤔᤏᤠᤒᤠ ᤁᤢᤀᤡᤛᤡᤰ ᤀᤡᤱᤃᤠ᤹ ᤐᤠᤱᤏᤡᤱᤗᤥ॥ ᤀᤠᤸᤗ ᤐᤣᤃᤧᤶᤔᤧ᤹ᤀᤥ॥