Popular Bible Verses from ᥈ ᤐᤋᤪᤢᤛ 3

Share

ᤁᤢᤓᤠ ᤔᤏᤠᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠ ᤁᤢᤀᤡᤛᤡᤰ ᤍᤠᤱᤒᤠᤸᤗᤧ ᤁᤢᤏᤢ᤺ᤱᤔᤠ ᤕᤢᤔᤠ ᤔᤠᤱᤜᤧᤰᤁᤡᤴ ᤁᤧᤵᤔᤠ ᤔᤧᤛᤢ᤺ᤏᤧᤴᤗᤥ. ᤁᤖ ᤂᤢᤏᤧ᤹ ᤏᤠᤛᤡ ᤌ᤺ᤳᤋᤢᤖ ᤂᤡᤏᤡ᤹ ᤁᤧᤜᤠᤱᤄᤡᤖ ᤘᤠ᤹ᤖᤥ॥ ᤂᤡᤏᤡ᤹ ᤗᤠᤕᤥᤗᤠᤶ ᤁᤧᤜᤡᤴᤍᤡᤀᤠᤱ ᤀᤠᤳᤋᤡᤴᤜᤠ᤹ᤀᤠᤱ ᤁᤧᤶᤔᤧᤃᤡᤴᤗ ᤁᤧᤗ᤹ᤒᤠ ᤂᤢᤏᤧ᤹ ᤏᤡᤱᤘᤠ᤹ ᤆᤥᤃᤢᤖᤥ॥

ᤁᤖ ᤀᤠᤔᤡ᤺ᤶ ᤀᤠᤴᤈᤢᤶᤛᤣ. ᤗᤳᤇᤠ ᤐᤠ᤺ᤴᤎᤡᤰ ᤏᤡᤱᤘᤠ᤹ ᤔᤧᤓᤣ᤺ᤳᤇᤧᤶᤔᤡᤴᤏᤧ᤹ᤀᤥ—ᤍᤠᤱᤒᤠᤸᤗᤧ ᤁᤢᤗᤠᤃᤡ ᤌᤡᤰ ᤕᤧᤴᤏᤡᤴ ᤋᤱᤒᤣ ᤜᤧᤴᤇᤡᤱ (᥇.᥆᥆᥆) ᤁᤢᤀᤡᤛᤡᤰ ᤏᤢ ᤜᤧᤴᤇᤡᤱ ᤋᤱᤒᤣᤴ ᤌᤡᤰᤕᤧᤴ ᤁᤢᤀᤡᤛᤡᤰ ᤐᤥᤱᤗᤥ॥

ᤁᤖ ᤀᤠᤏᤡ᤹ ᤍᤠᤱᤒᤠ ᤏᤢ ᤛᤧᤴᤗᤵᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤀᤠᤒᤡᤒᤠ ᤏᤧᤜᤡᤏᤡᤱᤘᤠ᤹ᤀᤥ ᤏᤢ ᤁᤢᤗᤢᤱᤃᤢᤶᤔᤥ ᤐᤥᤖᤧᤶᤔᤧ᤹ᤀᤥ॥ ᤀᤠᤸᤗᤥ ᤏᤢ ᤛᤍᤠᤍᤡᤱ ᤍᤠᤱᤒᤠᤸᤗᤧ ᤁᤢᤔᤡᤔᤡᤍᤡᤱ ᤐᤥᤱᤗᤖᤥ᥄ ᤀᤠᤔᤧᤴ॥

ᤁᤖ ᤍᤠᤱᤒᤠᤴ ᤏᤢ᤺ᤱ ᤕᤢᤒᤠ ᤕᤧᤴᤏᤡᤱᤃ ᤛᤧᤴᤍᤡᤰ ᤁᤧᤄᤢ᤺ᤶᤒᤠᤴ ᤂᤢ᤺ᤴᤇᤧ ᤋᤠᤒᤠ ᤁᤢᤀᤡᤛᤡᤰ ᤜᤰᤆᤄᤳ ᤐᤥᤱᤗᤥ॥ ᤕᤶᤒᤠ ᤀᤡᤰᤗᤠᤀᤥ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤔᤠᤒᤣ᤺ᤰ. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤒᤵᤐᤠᤜᤠ᤹ ᤁᤠᤰ ᤔᤡᤍᤡᤰᤁᤠᤱ ᤕᤥ᤺ᤶᤒᤣ᤺ᤰ. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣᤰ ᤏᤢ ᤂᤧᤵᤔᤥ ᤁᤧᤘᤠ᤹ᤒᤠ ᤁᤠᤰ ᤐᤠ᤺ᤴᤜᤠ᤹ᤀᤠᤱ ᤔᤡ᤺ᤸᤗᤧ ᤂᤠᤵᤐᤢᤌᤩ᤺ᤱ ᤆᤥᤃᤢᤛᤡᤖᤥ॥

ᤜᤧᤰᤁᤣᤗ᤹ᤖᤡᤰ ᤁᤠᤰ ᤐᤠ᤺ᤴᤜᤠ᤹ ᤔᤧᤰᤐᤠᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ᤃ ᤛᤣᤛᤣᤒᤠ ᤏᤢ ᤛᤠᤶᤕᤥᤒᤠ ᤜᤡᤱᤔᤴᤏᤥ ᤘᤠ᤹ᤔᤠ ᤐᤥᤱᤗᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤧᤴᤏᤡᤴ ᤁᤧᤜᤠᤱᤄᤢᤶ. ᤜᤧᤰᤁᤩᤠᤱ ᤁᤢᤕᤧᤴᤏᤡᤴ ᤜᤠᤖᤠ ᤋᤠᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤁᤧᤈᤥᤃᤢᤶ. ᤁᤖ ᤂᤧᤴ ᤕᤧᤴᤏᤥ ᤋᤖ᤺ᤱᤍᤡᤱ ᤋᤠᤱᤛᤠᤰᤐᤧᤴ ᤔᤡᤍᤡᤰᤁᤠᤱ ᤔᤧᤰ. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤒᤵᤐᤠ ᤁᤠᤰ ᤐᤠ᤺ᤴᤜᤠ᤹ ᤕᤥ᤺ᤶᤒᤣ᤺ᤰᤗᤥ॥