Popular Bible Verses from ᥇ ᤐᤋᤪᤢᤛ 5

Share

ᤁᤠᤰ ᤂᤡᤏᤡ᤹ ᤏᤡᤱᤛᤠᤶᤜᤠ᤹ ᤂᤢᤏᤧ᤹ᤀᤥ ᤋᤠᤖᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤶᤒᤪᤠᤱ ᤁᤧᤔᤧᤳᤋᤡ᤹ᤖᤥ॥

ᤁᤠᤰ ᤗᤢᤱᤃᤢᤶ ᤁᤧᤃᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤪᤡᤛ᤻ᤋᤧᤴᤏᤢ ᤛᤥᤖᤡᤰ ᤔᤧᤴᤏᤢᤵᤔᤏᤠᤒᤠ ᤁᤢᤔᤡᤔᤡᤍᤡᤱᤅᤡᤴ ᤗᤰ ᤁᤧᤄᤥᤛᤢᤶᤗ ᤑᤠ᤹ᤀᤠᤱ ᤁᤧᤀᤢ᤺ᤳᤋᤡᤀᤠᤱ ᤁᤧᤘᤕᤡ᤹ᤖᤥ॥ ᤁᤖ ᤛᤵᤑᤠᤎᤡᤰ ᤀᤡᤏᤥᤃᤧᤴ ᤋᤢᤰᤂᤣ ᤁᤧᤈᤩᤧ᤹ᤀᤡᤀᤠᤱ ᤂᤢᤏᤧ᤹ᤀᤣ ᤂᤡᤏᤡ᤹ ᤁᤢᤗᤡᤱᤍᤥ ᤁᤧᤃᤧᤳᤋᤡ᤹ ᤜᤧᤰᤁᤩᤠᤱ ᤌᤎᤵ ᤔᤧᤸᤗ᤹ᤔᤏᤠᤒᤠ ᤏᤢ ᤁᤧᤎᤢᤶᤒᤠ ᤁᤧᤈᤥᤃᤡᤀᤠᤱ ᤔᤧᤶᤔᤢᤶᤔᤏᤠ ᤏᤧᤶᤓᤥᤀᤥ ᤁᤧᤕᤢᤰᤂᤡ᤹ᤖᤥ॥

ᤂᤡᤏᤡ᤹ ᤛᤡᤱᤛᤡᤱ ᤕᤧᤰᤕᤧᤰ ᤏᤢ ᤆᤠᤱᤈᤠᤱ ᤗ᤹ᤖᤧᤶᤔᤧ᤹᥄ ᤂᤡᤏᤡ᤹ ᤏᤡᤱᤔᤡ ᤔᤠᤑᤧᤴᤛᤠᤶᤔᤡᤴ ᤁᤧᤜᤢ᤺ᤰᤐᤠ ᤂᤡᤖᤡᤱᤒᤠᤴ ᤁᤢᤀᤡᤛᤡᤰ ᤀᤠᤳᤋᤡᤴ ᤂᤥᤛᤢᤱᤅᤠᤱ ᤗᤖᤢᤱᤍᤣᤛᤢᤱ ᤗ᤹ᤖᤡᤰ ᤁᤥ᤺ᤳᤋᤢᤖ ᤋᤠᤰᤁᤴᤗᤥ॥ ᤂᤡᤏᤡ᤹ ᤏᤛᤠ᤺ᤴᤏᤥ ᤁᤧᤎᤢᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤂᤧᤴ ᤀᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤖᤠᤰ ᤂᤡᤏᤡ᤹ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠᤜᤠ᤹ᤖᤧᤀᤠᤱ ᤂᤡᤏᤡ᤹ ᤁᤧᤍᤢᤔᤢᤶᤒᤠ ᤀᤡᤏᤥᤃᤧᤴ ᤋᤢᤰᤂᤣ ᤜᤧᤰᤋᤱᤒᤠ ᤋᤢᤰᤂᤣᤴ ᤔᤧᤍᤢᤔᤢᤖ ᤔᤧᤘᤠ᤹ ᤁᤧᤗ᤹ᤒᤠᤴ ᤁᤧᤏᤡᤛᤢᤶᤗᤥ॥

ᤂᤧᤸᤗᤧᤆᤥᤃᤢᤸᤗᤧ ᤔᤢᤰᤛᤠᤶᤛᤠᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤢᤰᤁᤥ ᤂᤡᤏᤡ᤹ ᤆᤢᤱᤈᤡᤃᤧᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤘᤕᤧᤶᤔᤧ᤹. ᤜᤧᤰᤁᤩᤠᤱ ᤛᤢᤕᤧᤶᤔᤥ ᤂᤡᤏᤡ᤹ ᤀᤡᤱᤎᤠᤱ ᤁᤧᤒᤡᤖᤡᤀᤠᤱ ᤌᤠ᤺ᤱ ᤁᤧᤓᤥ᤺ᤰᤂᤡ᤹ᤖᤥ॥

ᤂᤡᤏᤡ᤹ ᤌᤠᤱᤒᤧᤴᤛᤠᤛᤣ. ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶᤗᤠᤶᤗᤥᤒᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤘᤠ᤹ᤔᤠ ᤐᤥᤱᤗᤥ॥ ᤂᤡᤏᤡ᤹ ᤁᤠᤰ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤏᤢᤖᤡᤰ ᤔᤧᤳᤋᤠᤛᤡᤶᤔᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ ᤀᤳᤋᤢᤛᤡ᤹. ᤁᤖ ᤏ᤺ᤶᤏ᤺ᤶᤒᤠᤜᤠ᤹ ᤗᤢᤱᤃᤢᤶ ᤐᤡᤖᤢᤛᤡ᤹ᤖᤥ॥”