Popular Bible Verses from ᥇ ᤕᤢᤜᤢᤴᤏᤠ 3

Share

ᤀᤠᤔᤡ᤺ᤶ ᤀᤠᤛ᤻ᤛᤠᤛᤣ. ᤀᤠᤏᤡ᤹ᤃ ᤐᤠ᤺ᤴᤏᤥ ᤏᤢ ᤔᤢᤖᤠ᤺ᤸᤗᤧᤖᤰ ᤗᤢᤱᤔᤠ᤹ ᤋᤢᤰᤁᤠᤛᤡ ᤔᤣ᤺ᤴᤗᤥ॥ ᤀᤠᤏᤡ᤹ ᤛᤧᤰᤂᤠ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤐᤥᤱᤗᤥ॥ ᤜᤧᤰᤋᤱᤒᤠ ᤗᤢᤱᤔᤠ᤹ ᤋᤢᤰᤛᤡᤱᤔᤠᤴ ᤕᤠ᤺ᤶᤒᤰᤁᤥᤗᤠᤶ ᤏᤡᤍᤧᤳᤗᤥ॥

ᤕᤧᤛᤢ ᤂᤪᤡᤛ᤻ᤋᤧᤱᤃ ᤀᤠᤏᤡ᤹ ᤗᤧᤰᤘᤠ ᤛᤩᤧᤒᤠᤸᤗᤧ ᤛᤧᤰᤂᤠᤒᤠ ᤔᤡ᤺ᤶᤈᤡᤴ ᤀᤠᤰᤋᤱᤒᤠ ᤆᤥᤰ ᤑᤠ᤹ᤀᤠᤱ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ॥ ᤀᤠᤏᤡ᤹ᤀᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ᤖᤧ ᤂᤢᤏᤡ᤹ ᤗᤧᤰᤘᤠ ᤛᤡᤔᤠᤀᤠᤱ ᤕᤠᤖᤡᤵ ᤐᤥᤱᤔᤠ ᤐᤥᤱᤗᤥ॥

ᤀᤥᤔᤧᤳᤋᤧᤶᤔᤧ᤹ᤀᤥ᥄ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤰᤂᤧᤴ ᤕᤖᤡᤰ ᤗᤢᤱᤔᤠ᤹ ᤀᤠᤍᤢᤰᤋᤧᤀᤠᤱ ᤘᤠ᤹᥄ ᤂᤢᤏᤧ᤹ ᤗᤢᤱᤔᤠ᤹ ᤀᤠᤍᤢᤰᤐᤠᤸᤗᤧ ᤆᤥᤃᤢᤸᤗᤧ ᤀᤠᤛ᤻ᤛᤠᤏᤡᤱᤗᤥ ᤑᤠ᤹ᤀᤠᤱ ᤀᤠᤏᤡ᤹ ᤀᤠᤔᤧᤳᤗᤥ॥ ᤀᤠᤏᤡ᤹ᤃ ᤛᤧᤰᤂᤠᤀᤣ ᤁᤢᤛ᤻ᤛᤠᤛᤡᤀᤣᤖᤥ᥄ ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤒᤠᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤀᤠᤏᤡ᤹ᤀᤠᤱ ᤁᤢᤛᤡᤱ ᤀᤠᤔᤧᤴᤏᤡ᤺ᤳᤏᤧᤴᤗᤥ॥

ᤗᤠᤕᤥ ᤁᤧᤈᤥ᤺ᤰᤐᤠᤖ ᤁᤧᤘᤠ᤹ᤒᤠ ᤔᤏᤠ᤺ᤱᤃ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤏᤠᤖᤥ. ᤌᤣᤀᤠᤱᤓᤧᤸᤗᤧ ᤔᤠᤑᤧᤴᤛᤠᤶᤔᤡᤸᤗᤧ ᤋᤥᤗᤡᤱᤛᤥᤔᤢᤀᤠᤱᤎᤥᤀᤣ ᤗᤠᤕᤥ ᤆᤥᤃᤢᤖ ᤘᤠ᤹ᤖᤥ॥ ᤂᤧᤸᤗᤧᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤛᤠᤴ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤰᤁᤡᤴ ᤔᤧᤱᤛᤧ ᤕᤧᤒᤠᤖᤥ॥

ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤢᤛᤱ ᤗ᤹ᤖᤡᤰ ᤛᤠᤃᤧᤘᤠ᤺ᤴᤇᤡᤱᤒᤠ ᤀᤠᤳᤋᤡᤸᤗᤧᤀᤠᤱ ᤗᤠᤕᤥ ᤆᤥᤃᤢᤖ ᤔᤧᤘᤠ᤹ᤏᤧᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤥᤛᤪᤱᤅᤡᤴ ᤂᤢᤏᤧ᤹ᤀᤥ ᤘᤠ᤹ᤖᤥ॥ ᤂᤢᤏᤧ᤹ ᤗᤠᤕᤥ ᤆᤥ᤺ᤰᤁᤡ ᤘᤠ᤹ᤔᤠ ᤔᤧᤛᤢᤰᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤛᤠᤘᤠ᤺ᤴᤇᤡᤱᤅᤠᤱ ᤘᤠ᤹ᤖᤥ॥

ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤁᤠᤰ ᤐᤠ᤺ᤴᤜᤠ᤹ ᤁᤧᤃᤵᤐᤠ ᤔᤏᤠ᤺ᤸᤗᤧ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ ᤆᤠᤜᤠᤒᤠ ᤔᤧᤈᤥ᤺ᤰᤁᤠᤱ ᤔᤧᤘᤠ᤹ᤒᤠ ᤏᤡᤛᤢᤛᤠᤱ ᤗᤢᤱᤔᤠ᤹ ᤔᤧᤍᤢᤰᤋᤢᤛᤡᤴᤏᤡᤸᤗᤧ ᤀᤠᤰᤂᤣᤗ᤹ᤖᤡᤰ ᤂᤧᤴ ᤔᤏᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡ᤺ᤶᤈᤡᤴ ᤘᤠ᤹ᤒᤣ᥅

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠᤱᤅᤡᤴ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤧᤴ ᤏᤡᤱᤘᤠ᤹ᤑᤢᤔᤠᤱᤅᤥ ᤘᤠ᤹ ᤜᤧᤰᤁᤩᤠᤱ ᤂᤧᤸᤗᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤘᤠ᤹ᤖᤥ॥ ᤀᤠᤏᤡ᤹ᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤘᤠ᤹ ᤑᤠ᤹ᤀᤠᤱ ᤂᤢᤏᤧ᤹ ᤀᤠᤒᤡᤖᤧᤒᤠ ᤛᤣᤛᤣᤔᤠᤱᤗᤠᤶ ᤁᤢᤛᤡᤱ ᤀᤠᤏᤡ᤺ᤳᤋᤢᤶᤗᤥ॥

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠᤜᤠ᤹ ᤏᤢ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤛ᤻ᤛᤠᤜᤠ᤹ᤀᤥ ᤔᤧᤴᤍᤱᤔᤏᤠ ᤐᤠ᤺ᤴᤏᤡᤴ ᤀᤠᤶᤓᤠ ᤁᤴᤗᤥ—ᤀᤠᤳᤋᤡᤸᤗᤧ ᤛᤠᤶᤕᤥᤌᤡᤶ ᤁᤢᤀᤡᤛᤡᤰ ᤏᤢᤒᤠ ᤕᤠ᤺ᤶᤒᤰ ᤔᤧᤈᤥᤃᤢᤴ ᤜᤧᤰᤁᤩᤠᤱ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤜᤠ᤹ ᤗᤢᤱᤔᤠ᤹ ᤔᤧᤍᤢᤰᤋᤢᤛᤡᤴ ᤂᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ ᤔᤣ᤺ᤴᤗᤥ॥

ᤀᤠᤏᤡ᤹ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤐᤥᤱ ᤁᤧᤗ᤹ᤒᤠ ᤀᤡᤱᤄᤱᤅᤡᤱᤃ ᤋᤃᤡᤀᤠᤱᤎᤥᤀᤣ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹ᤖᤥ॥

ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤔᤏᤠᤜᤠ᤹ᤖᤧ ᤁᤧᤶᤈᤡ᤺ᤳᤋᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤔᤧᤔᤕᤧᤶᤔᤡᤴᤏᤧ᤹ᤀᤥ॥