Popular Bible Verses from Luka 5

Share

Myan ima mbit findeli, unai lak Siman ni, “Huma tuk ti kwangi u her ta kyel manggyongi, hu hum hwiti takal i gong ti gushe amui ɓa hu ka' gushei.”

Siman nyus, “A Dee, ni kon ro yes mwen ti ɓwai ni ka' ɗama kwa fweng. Na ha lak andi, i wa masi.” Myan ima si hwiti takal i ka'ti gushei ta ham wi, unai si ka' male' i gushei kol ima takali mayus ɗwakan.

Yeso tyai u wa kyel nin i mufot, ɓurti fwal ti DeeƁwe.

I yes ɓa i lai a som munderei kwa, a mufwashani.”

Myan ima Siman Pita ɗing aɗeng ima Yeso masi, unai shu i mafwaran ta mabel i Yeso, ni, “Ha wa na kyel amen a Deembai, i yun ii ma mafwashi!”

Unai Yeso matussi ni, “Macala wai kyel i mamanda kwa, a mamwatan.

Unai si dul kwang ames wa ta ɓwai i yiiri, si hon ɗamam shak, si kolfai ti Yeso.

Mwenin, Yeso yis ta ashwa nin, unai maɗufal nin yes ima nggeterat ti vo lo' i ya shak. Ti ɗing ti Yeso, shu mafwaran fwalus, yis nyai, “Deembai, na ha ɓwet fa sun cala, ha sapan ya hwak.” Yeso ti' ra ames ngge'us ti, ni, “I ɓwet, ɓi sapa ha ya.” Fo abet nggeterati honus.

Shak ta andi, findel i Yeso but ta ashwai, ɗufal hyang si ka' yes ɓa si halus, sin far ti cala tasi mwatanan ames shak.