Popular Bible Verses from Jwon 16

Share

“I laku ɗamam mii, a ɓurti na kyel amen hu wis murak i mulut. Na naya hu wa wis ti amba. Shak ta andi ka' hun mulut, i cu uges ti naya.”

Myan ima Rin i mwawei yes, ma wa dulsu nzong tasi shak mwawei. Ma wa findel ɓurti haisus kwa, aɗeng ima hali, a yis ma wa laki, ma wa laksu shak ɗamam ima si wa yes.

Yes mwashi, hu fwal ɗama nin ti asum amen kwa. Fwal hun Deen, hu wa wisi ɓurti jakak amu u hya.

Ɓurti andi i laksu mwawei, ma wa ɓin su ɗat ima i yun wa, ɓurti na i win kwa, Mataɓaki ma wa yes kyel amu kwa. Na i win i wa rosus ta kyel amu. Myan ima yes, ma wa ɓor ti mafwashi i naya ya, ta mute manderei, ta lefti ɓuri ya hwak.

Andi hun hwak, hu mati kikyawat na mulut mwashi. Myan ima i hum ɗingsu hu wa jakak, ɗeng mayu wa zan ti jakak amu ya kwa. Mwen amoti hu yun wa lul ti lul nin kwa. I ma laksu mwawei, shak aɗeng ima hu fwal ta kyel i Deen ma wa fasu ɓurti asum amen.

I ma laksu mwawei, hu wa kawa ta shaati ɓursun, naya ti wa pipelat na mulut. Hu wa kikyawat na mulut, kikyawat na mulut amu ma wa muhumkyel ii pipelat na mulut.