Popular Bible Verses from Mateo 21

Share

Len yugute' le gnaabi'li'ne Dios kati gui'leen'li'ne diidza, gulunaab len yëla rajle' ati uzi'li ley.

Jesús bubi'e diidza: —Blikz'da rea' lbi'ili ki xhki rajle'li gdu laadxi'li, keg len yaag higuera'z gunn gun'li ki, lekz'ka' gun gie'li gia'a ni: “Pkuit ga zu' len bzal kuinu lu nis xhën”, ati ka gak.

Ati bënni zjake nanëër'ke len lekz'ka' bënni zjake kuudzi'il tuskua'ke: —¡Hosana Xi'ine David bënni gnabe'e! ¡La'ay nake bënni ze'e ulaaz kie' Xan'ru! ¡Hosana yewayuba!

ati gudxe leke: —Lu Diidza La'ay rna: “Liidxa gak tu yu'u ga bunach lui'leene diidza Dios”, San Lbi'ili run'li ley tu latj ga tuka'chi' lau'ke bënni gban.

«Gultzajëëdx yëdz Sión: “Byu'tzka, Bënni Rnabe'e li' ze'e kiu', nake nëxhj'laadxi, dxie'ba tuuba burru, tuuba burru we'en'du, xi'in'ba bua' rua'ba yua'.”»

Na' Jesús gudxe leke: —¿Naru ti rul'i'li Diidza La'ay, ga rna'?: “Giaj'a ti gulayazlaadxi'ke bënni'a tuune yu'u na'a chi nak giaj blou. Xan'ru beene le ni, len ro'u rubaani'ru.”

Lena'a rea' lbi'ili ki udua lu naa'li yëla rnabe' kie' Dios, ati lunëëdzje ley ki tu yëdz le gunn xhlu'li'i.