Popular Bible Verses from Marcos 2

Share

Arfiil Jesus fliik room tuuk manura, Ura meit ataan, “Iim fliik maa! Roo moras fee presiza doutoor, mahee roo eta kode ba presiza. Au maa oid haah roo sala ubu room oid toom Au. Au ba maa oid haah roo bae fee tloo lolo dega, room fee doloo faklau.”

Arfiil Jesus fei room, Ura taad room fiar tustus la Ura. I Jesus tafaar la artuub oe klao too dega, “Au kau. Au amoo soub o sala hailagaa.”

I Jesus nee sai loi dega, “Iim ba leob mliuk, Nai Maromak fun leolbaan Sabdu oid fun kode la iit ubu mori. Ura ba fun iit ubu mori, oid toom lea leolbaan Sabdu ni lei.

Mahee, deslaa roo rini tustus, room ba leob oid roo too tafae la Jesus. Entaun room sae la nii uum lau, i room fun goa kiid, natoon lea Jesus ni ulu. I room alui artuub too nor biit nii Jesus ni ahe.

Iid bae fee mrue? Se Au tafaar la roo oe klao uri, dega, ‘Au amoo soub o sala seirgaa’, iim ba taad sai tuus manura, ka tais. Mahee se Au dega, ‘Mrii laab! Huu o biti, oid suil laab.’ Se ura mrii didi, iim hinaha taad dega, Au uri, Roo Ana. I Au nei kbiit nor direitu oid amoo roo sala.” Toom maa, Jesus tafaar la roo oe klao too dega, “O fliik maa! Agora o kode soub! Mrii laab, huu o biti, oid suil laa uum.”

Iid bae fee mrue? Se Au tafaar la roo oe klao uri, dega, ‘Au amoo soub o sala seirgaa’, iim ba taad sai tuus manura, ka tais. Mahee se Au dega, ‘Mrii laab! Huu o biti, oid suil laab.’ Se ura mrii didi, iim hinaha taad dega, Au uri, Roo Ana. I Au nei kbiit nor direitu oid amoo roo sala.” Toom maa, Jesus tafaar la roo oe klao too dega

Fliik manura, ura mrii enene, huu ni biti, oid sai la hooh. Roo hailagaa nii hati kidura fei nor room mata rasik. Room haigaa kauk ulu i anai Nai Maromak dega, “Iit hina eot naam iid manuri! Nai Maromak tuu tustus!”