Popular Bible Verses from San Marcos 6

Share

La yal te Jesuse: —La'ic te ja'exe, ya xba jcux co'tantic jtebuc ta bay jochol te q'uinale —xi'. Yu'un xloc' x'och nax ta stojol te ants-winiquetique. Ma spas ya xwe'iquix yu'un.

Ja'uc me to, te Jesús jich la yal: —Ta bayuc ya x'ich'ot ta muc' te jtul j'alwaneje; ja' nax ma x'ich'ot ta muc' yu'un te slumale soc te spat-xujq'ue soc te mach'atic ayic ta snae —xi'.

C'alal loc' ta barco te Jesuse, la yil te ayix tsobol ta jtul tey a. La sna'bey yo'bolil sbaic, yu'un jich c'oemic la yil te bit'il chijetic te ma'yuc jcanantaywanej yu'unique. Jich jajch' sp'ijubtes. Bayal bila la yac'bey snopic.

Jich ma la spas jchajp at'eliletic tey a. Cha'oxtul nax chameletic la scajanbey sc'ab ta sjolic te la scoltaye. Te Jesús bayal ayan yo'tan yu'un te bit'il ma la xch'uunique. Soc la yocliy bael te ch'in lumetic te nopol ayique, soc la yaiy p'ijubteswanej tey a.

Te Jesús la stsac te jo'pejch' waj soc te cha'cojt' chaye. La stoy moel sit ta ch'ulchan. La yalbey wocol Dios yu'un, soc la xet' te waje. La yac'bey ta sc'ab te jnopojeletique te ya xba spucbeyic te ants-winiquetique, soc la yac' ta puquel uuc te cha'cojt' chaye. Spisilic we'ic ja' to chican noj te xch'ujt'ique. Patil la stsobic te sobrail waje soc uuc te chaye. Noj lajchayeb moch.