Popular Bible Verses from San Marcos 12

Share

Jich la yal te Jesuse: —Te sbabial mandalil te muc' sc'oplale ja' in to: “Aiya awaiyic stojol, israeletic, jun nax Cajwaltic ay cu'untic, ja' te Cajwaltic Diose. C'ux me x'awaiy te Cajwaltic Dios soc spisil awo'tan, soc spisil ach'ulel, soc spisil ap'ijil, soc spisil te awipe”, te xie. Te xchebal mandalil te pajal soque, ja' in to: “C'ux me x'awaiy ta awo'tan te apat-axujq'ue, jich nix te bit'il c'ux ya awaiy aba atuquel te ja'ate”, te xie. Ma'yuc yan mandalil te c'ax muc' sc'oplal jich bit'il in to —xi' te Jesuse.

Te Jesús la yic' tel te jnopojeletic yu'une. Jich la yalbey: —Jamal ya calbeyex, te me'ba ants to te ma'yuc bila ay yu'une c'ax jich la yac' c'oem stuquel te bit'il la yaq'uic te yantique. Melel sobrail staq'uinic te la yaq'uic stuquelique. Yan te me'ba antse, manchuc teme ma'yuc bi ay yu'une, ja' la yac' ochel spisil stuquel te bila ja' xanix ya smac'lin sba a —xi' te Jesuse.

Jesús la snajc'an sba ta templo ta bay nopol xcaxail smajt'an te Diose. Yac ta yilel te bit'il yac ta yaq'uel ochel staq'uinic tey a te lume. Ay tsobol c'ulejetic te bayal staq'uinic la yaq'uic ochel tey a. Soc tal jtul me'ba ants te ma'yuc bila ay yu'une. La yac' ochel ta xcaxail cheb ch'in saquil-taq'uin te ma'yuc bi ay ta manel bayal a.

Soc te bit'il c'ux me ya caiytic ta spisil co'tantic, soc spisil jp'ijiltic, soc spisil te quiptique; soc te bit'il c'ux me ya caiytic te jpat-jxujc'tique jich te bit'il c'ux ya caiy jbajtic jtuqueltique. Ja' c'ax muc' sc'oplal ta pasel stuquel a te bit'il ya cac'beytic smajt'an te Diose soc spisil smajt'an te ya yich' chiq'uel ta bay xchic'jibal te smajt'ane —xi' te winique.

Te Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse. Bayal ayan yo'tanic yu'un te bila la yale.