Popular Bible Verses from San Marcos 10

Share

Melel jich uuc te Nich'anile, ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel soc te ya yac' sba ta lajel swenta yu'un jich ya xwejt' scolel tsobol ta jtul te ants-winiquetique —xi' te Jesuse.

Te Jesús la sc'abubey sitic, soc la yalbey xan yaiyic: —Te ants-winiquetique ma xju' yu'unic spasel in to. Yan te Diose ya xju' yu'un stuquel, melel ma'yuc bi ma xju' yu'un spasel te Diose —xi'.

Jesús la yalbey: —Baanix. Ta swenta xch'uunjel awo'tan te colematixe —xi' te Jesuse. Te winique ora la yil te q'uinale soc la sts'aclin bael ta be te Jesuse.

Jich yu'un te mach'a jun nax la yac' te Diose, ma spas ta jatel yu'un te winique —xi' te Jesuse.

Te Jesús la sc'abubey sit. C'ux la yaiy ta yo'tan, soc la yalbey: —Ay to yan xan te bila ya sc'an awu'une. Baan, chona spisil te bila ay awu'une, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon —xi'.

Jesús la sjojc'obey yaiy: —¿Yu'un bal ay bi ya ac'an te ya jpasbate? —xi'. La yal te ma'site: —Maestro, ya jc'an te ya ajambon te jsite —xi'.

Yan te ja'exe ma me jichuc xapasic. Teme ya ac'anic te muc' ya xc'oexe, ac'a me abaic ta abatinel.

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

Ja'uc me to, te mach'atic sbabial ayic ta ora to, slajibal me ya xc'otic ta patil. Yan te mach'atic slajibal ayic ta ora to, ja' me sbabial ya xc'otic stuquelic —xi' te Jesuse.

Ja'uc me to, ta xjajch'ibal c'alal Dios la spas spisil te bitic aye, la spas winic soc ants. Ja' swentail te ya yijq'uitay jilel sme'-stat te winique, soc ya yic' sba soc te yiname, soc jun nax sbaq'uetalic ya xc'ot ta xchebalic. Jich ma chebuquix. Jun nax ayiquix.