Popular Bible Verses from San Lucas 4

Share

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique, soc te ya jchol te bit'il yorailix coltayel yu'un te Cajwaltique”, te xie.

Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

La yal te Jesuse: —Ts'ibubil ta Sjun Dios te “Ma ja'uc nax ta waj cuxulic a te ants-winiquetique. Ja' ya xcuxinic yu'un spisil te bila yaloj Dios ta sti'”, te xie —xi' te Jesuse.

Te Jesús noj ta yo'tan te Ch'ul Espiritue. Jich la yijq'uitay jilel te muc'ja' Jordán, soc ic'ot bael yu'un te Espíritu ta bay jochol taquin q'uinal.

Jesús la yalbey: —Soc jich ya yal uuc te Sjun Diose: “Ma me x'awilbey yo'tan te Cajwaltic Diose”, te xie —xi'.

Te pucuje ma la sta te bila ya yilbey xan yo'tan a te Jesuse. Jich la yijq'uitay jilel jun chebuc c'aal.

Te pucuje ic'ot bael yu'un ta bay toyol wits. Ta ora nax ac'bot yil yu'un spisil ta jchajp lumetic te ayic ta balumilal. Te pucuje la yal: —Ya cac'bat tulan awat'el ta swentainel spisil ta jchajp in lumetic to soc te yutsilale. Melel ochem ta jwenta spisilic, chican co'tan jtuquel te mach'a ya cac'beye. Jich yu'un teme ya aquejan aba soc teme ya awich'on ta muq'ue, awu'un ya xc'ot spisil —xi'. Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

Soc ic'ot xan bael yu'un te pucuje ta bay lum Jerusalén. Jich c'o tejc'anotuc yu'un ta bay jol templo te Jesuse. Jich la yal te pucuje: —Teme ja'at Snich'anat te Diose, ch'oja aba coel li'to. Melel ts'ibubil ta Sjun te Diose: “Te Dios ya yalbey mandal te ch'ul abatetic yu'un te ya me scanantayate. Ya me xtal stsacat ta sc'abic swenta yu'un ma ba ya alajin awacan ta ton”, te xie —xi' te pucuje. Jesús la yalbey: —Soc jich ya yal uuc te Sjun Diose: “Ma me x'awilbey yo'tan te Cajwaltic Diose”, te xie —xi'.