Popular Bible Verses from San Juan 16

Share

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel. Soc teme tale, ja' me ya yac'bey c'otuc ta yo'tanic ants-winiquetic te bila a te mulile, soc te toj-o'tanile, soc te bit'il ay castigo yu'un te mulile.

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel. “Te bi c'aalil ya xc'ot ta pasele, ma me ayuc bi ya ajojc'obonic xan. Jamal ya calbeyex, spisil te bila ya ac'anbey ta jwenta te Jtate, ya me yac'beyex.

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.