Popular Bible Verses from Génesis 45

Share

Ja'uc me to, wocoluc, ma me xamel awo'tanic yu'un, soc ma me xc'opoj awo'tanic yu'un te la achononic tele, yu'un ja' me swenta acolelic c'ot yu'un Dios te la sneelteson tele.

Jich yu'un ma ja'uquex te la awac'onic tel, ja' la yac'on tel te Diose. Ja' ta swenta Dios te bit'il joy ta at'el te muc' ajwalil faraón, soc te bit'il jwentainejbey spisil te bila ay yu'un ta sna, soc te bit'il jo'on ya xmandalajon ta spamal Egipto.

Jich yu'un ja' swentail te Dios la sneelteson tel awu'unic, swenta yu'un jich me ya awich'ic coltayel te bit'il ya xcuxinexe.

Jich la yalbey te sbanquiltaque: —Wocoluc, la'ic ta jtojol —la yut. Jich bajt'ic ta stojol, albotic yu'un: —Jo'on me Josejon te awijts'inonic te la achononic tel ta Egipto ta namey.

Melel xchebalix ja'wil sjajch'el wi'nal ta balumilal, soc jo'eb xan ja'wil sc'an te ma'yuc awal soc ma'yuc c'ajoj.

Te José la yal sba ta stojol te sbanquiltaque: —Jo'on te Josejone. ¿Cuxul to bal te jtatique? —xi' ta stojolic. Ja'uc me to, ma loc' c'op ta yeic, yu'un bayal a och xiwel ta yo'tanic te bit'il ayic ta stojol te José.