Popular Bible Verses from Génesis 27

Share

Spisil ora ac'a yac'bat tel ja'al c'alal ta ch'ulchante Diose, ac'a yac' sitinuc ta lec te awawal-ats'unube, ac'a yac' esmajuc bayal trigo soc bayal vino awu'un. Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

La yal te Esaú: —Ja' nix yu'un a te Jacob sbiil c'ot awu'une, melel jlo'laywanej nix a. Xchebalix buelta slo'laybelon a. Neel la spojbon te bila sc'oplal ya quich' te bit'il ba alalone. Ta ora to, la spojbonix ta jc'axel te bendición te sc'oplal ya quich'e. ¿Ma bal ayuc yan te bendición ya ac'anbone? —la yut te state.

Jich yu'un la yal te Isaac: —C'ubul me ya xjil awu'un te lequil q'uinale, tey me ya xnainat ta bay ma'yuc ja'al ya xco tel ta ch'ulchan. Ja' me ya acoltay aba a te apuñale, pero ya me yabatinat te awijts'ine; ja'uc me to te bi ora awich'ojix awip a, ya me acoltay aba loq'uel ta abatinel yu'un —xi' sc'oplal yu'un te state.

Te Esaú la yalbey te stat: —¿Ma bal ayuc to yan bendición te ya ac'anbon, jtat? C'anbon bendición uuc, jtat —xi'. Tulan awun ta oq'uel te Esaú.