Popular Bible Verses from Génesis 25

Share

Albot yu'un: —Cha'chajp nación ya xloc' a te alaletic awic'oje, cha'chajp lum te ay to ta ach'ujt' a te scontroinej sbaique. Te jtule c'ax jich ya xju' yu'un te bit'il te yane, te banquilale abatil ya xc'ot yu'un te ijts'inale —xi' sc'oplal yu'un te Cajwaltique.

Jich yu'un la yalbey te Jacob: —Yacuc awac'bon jtebuc jwe' te atsajal cheneq'ue, yu'un ya xlajon ta wi'nal —xi'. (Ja' swentail te bit'il Edom sbiil a c'ot te Esaú.)

Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca.

La yal te Esaú: —Lajelonix ta wi'nal, ¿bistuc cu'un te bila ay ta jwenta te bit'il ba alalone? —xi'. La yal te Jacob: —Albon ta jamal ta stojol Dios te bit'il puersa ya awac'bone —la yut. Jich yu'un la yal ta jamal ta stojol Dios te Esaú te bit'il ya yac'bey Jacob te bitic ay ta swenta yich'ele.

Te c'alal ayin te yijts'ine, stsacojbey te yit yacan te Esaú, Jacob sbiil c'ot yu'unic stuquel. Oxwinic (60) ya'wilal a te Isaac te c'alal ayin te snich'nabe.

Te Isaac ja' c'ux ta yo'tan te Esaú, yu'un ya x'ac'bot ti'bal sti' yu'un. Yan te Rebeca ja' c'ux ta yo'tan te Jacob stuquel.