Popular Bible Verses from 2 Timoteo 2

Share

Antaya me te bit'il lec ya xc'oat ta loq'uel te c'alal ya atejc'an aba ta stojol te Diose. Jich bit'il te mach'a lec ya x'at'ej te ma sta q'uexlal yu'un te yat'el soc te stojil ya yac' ta nopel te smelelil c'ope.

Ma me xac'ain spasel te bila amen ya smulanic spasel te jch'ieletique. Ja' me xbajt' ta awo'tan te toj ya x'ainate, soc te ayuc lec xch'uunjel awo'tan soc xc'uxul awo'tan, soc te lamaluc q'uinal awu'un. Joina te mach'atic lec yo'tanic te ya yalbeyic wocol te Cajwaltique.

Melel te mach'a ay ta abatinel yu'un te Cajwaltique, ma xju' ya spas guerra. Ja' ya sc'an te ay yutsil yo'tan ya xc'opoj soc spisil te yantique, soc ya sc'an te bin nax yo'tan ya xp'ijubteswane, soc te ya sts'ic swocole

Teme ma junuc co'tantique, ja'uc me to, jun yo'tan ta jtojoltic stuquel. Melel jamal ya yal sba stuquel te Diose”, te xie.

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Ijq'uitaya me jilel spisil te jontol aiyejetique, melel te mach'atic yat'elinejic yalele, yanyan ta ch'ayel ta yo'tanic Dios yu'un.