Popular Bible Verses from Zone 15

Share

“Uve, ara lamu ghu mu ia vununa heke, nia ghau lamu ira hobona, e ghua. Heiri ira ta au parekete meha ka ara nia heiri ka ira ta au parekete lao ara, e ghua mu, edi age pigha ira fuadi. Noto au nenema la ka ara, e deo heve ta boka riva ghinina ghau.

O au parekete taremehagu ara, nia ara ga age au parekete taremehamu ghu ghau, e ghua. Ia hobona mu, e deo ge boka fua ghu taghonai kakaike, nga e au va gima lao tudu ma ka ia vununa heke, ghe ge boka fua nga manei. Taghe iala molamo, ghau e deo go boka fua ghu noto deo la go au parekete meha ghu ka ara.

Nga noto au parekete va gima meha la ghau ka ara, nia au va gima tuna ira ngengene ka ara ka ghau neto ghua la, heve leghutau ta fangaina ghau mu, e age vanamu ghatu.

Eka ghua ghu ghau mu noke faeteauna ara, nga ara mo nake faete ghauna ghau nake vanamuna ghu ia riva, ta mala ghahe ta la fua va pighana ghu ghau ka ia kokolona fuana ta au toghunai. Ianimu tuna ghe ge age vanamu nga nogu Mama heve leghutau ta fangaina ghau ka babaologu ini ara.

E deo namaha ta faa fuludina ia ta vanadi agho doliu nia ira nou noni baere.

Manei e kodaka kairi ira leghu hobodi taka boka fua ghu, nia kuta ghidi tuna ira hobodi ta fua, mala edi pigha laoni ghu, e ghua.

Ungene va gigimana ka ara mu iahi, o vari namahai ghemu, taghe ta namaha ghini ghau ini la ara.

Ira nogu noni nonofoi ta hohoghona mu edi fua va tehi. Iahi mu e va varangi nogu Mama.

“Ara mu ia torai vununa heke naroho ta hohoghona nia nogu Mama tuna mu ia mane ta kopui nunuma, e ghua.

Heiri ira ta deo gedi au va gima ghu ka ara mu, taghe ira hobodi ta taraha kairi kaike noni ta sakomo kai laori ghu, nia leleme tuna ira ta ghua. Kokolodi hobodi ta ghuara irahi mu, e mala sene varighara ghidi ka kaike momotu, nia saligari tuna, e ghua.

Ara nato ke va kahe ghini ghau leghutau irahi, o boka mala kuru ghau ghu ghau ia va ghazaghaza ta varifata ka ta kuruau ini ara, nia e age hokoto tuna ia va ghazaghaza ka ghau, e ghua.

Noto leghuri la ghau nogu ungene va gigima idi, ghau o age au va gima ka namaha ini ara ghatu, taghe nato ke leghuri idi la ara ira ungene va gigima ka nogu Mama, ta au va gima ini ghu ka ia nona namaha manei.

Iahi ghu mu ungene va gigimana ka ara, o vari namahai.

Noto nona la ghau malau iahi peka, ira noni ka malau iahi peka taghe nodi taghodi edi age ghua ghini ghau namaha ghini ghauna. Ghe ara nato ke faete kave ghau ka malau iahi peka, eka nona la ghu malau iahi peka mu ghau. Ne ghua mamu ghe, ne kikipana ghini ghau nga malau iahi peka.