Popular Bible Verses from Tatanigaina 15

Share

Ebarahamu neke va hohoghonai God, neke tahoi ghu God ta lotorona manei.

Leghuna iahi, Ebaramu neke finini ka kaike hahaima kahe ghuana iahi Iahova ka manei: “Oka maugheu ghu Ebaramu. Ara lamu nou rereona agho, ia ta age vananigho kaike leghahai tabara.”

Iahova neke hio kave laoi peghuru ghe neke kahe ghua nga iahi, “Mato vona ka kolangana o tahori ghu babaghunu ari noto boka la. Taghe iramu edi age ghua tehidira ira pagusu ka agho.”

Ianimu tuna ghe neke kahe ghuani nga iahi Iahova ka Ebaramu: “Eliza ia mane varituhu ka agho e deo ge age hio kadolori ghu ira leghutau ta taghori agho. Nga ia toraina tuumane taghou mo ta age hio kadolorira ira leghutau ta taghori agho.”

Kahe ghua tuna iahi ka Ebaramu neke ghua Iahova, Agho o toraina avohi iahi: “Ira pagusu ka agho edi age noni mehadi ka kaike kava ta deo ge tau ghu ka taghodi. Maneri edi age noni mala varituhu nia edi age ngovala va mukori aianimu ka giliodi 400 komuhu.

Ghe Ebaramu neke kahe ghua iahi, “?Iahova God, heve veha mu ta age va riva ghinaguna ara tabara iamu ka agho, vununa ta deo au rekaha ini ara? Eliza ia tanina Damasikasi lama mu, ta age hio kadolorira leghu taghotagho nga ka ara.

Ka ravata ianimu Iahova neke riva ghini ia nona varivehai taremehana Ebaramu kahe ghuana iahi, “Ara nato vanadi ira pagusu ka agho kava iahi, tataniga ka ia fofotaina Izipi dufu lao ghu ka ia ketuhu leghaha Iufereti

Ka ia va rodanana ubalana noni, ira pagusu ka agho edi ke la leghu meha aiahi, vununa ara e deo ga age bozo kaveri ghu ira noni Amoa, edi vuhai age toraina muko fuludu ghu maneri, mala toraina va kilasarira.”