Popular Bible Verses from Markus 9

Share

Om jawapno i Yisus disido do, “Nokuro kanu, ‘Nong kivaro kobulian,’ ka? Nga nong isai-isai aparsaya Dogo, kasangkat nga tulungon isido di Kinoringan,” kadi Yisus.

Om pongogijakno dii iamojo di tanak do, “Aparsaya okui Dika, nga aupo songkuro. Nga tulungo okuno Dika supaya aparsaya oku marong Dikau,” kadisido.

Om kalangkat dii oi Yisus mantad siri om asu dii iolo siri iso valai. Om kobubugol nopo dii iolo om pongoduat dii i tongotulunJo di Yisus do, “Nokuro naku do au kosunsub ikoi di rogon?” ka. Nga kadi Yisus diolo, “Bansa nopo diri rogon nga au osunsub nong au sumambayang,” ka.

Tasin nopo mimang aandai pongosin do onuu nopo taakanon supaya au apasa, nga nong malo iri rasa do tasin diri nga auno dii moilo poosinon kavagu. Om irad kou nogi dino misti irad do tasin si gotuvangon do tongotulun, om moiso kou do ginavo, om moitotoluod kou,” kadi Yisus.

“Isaai nopo monorima irad diti iso tanak sabap aparsaya Dogo nga irino monorima Dogo, nga okonko Ioku noo torimawon diri nga irino i minonuu Dogo siti vonuvo nogi do torimawonjo,” kadi Yisus.

PatangaronKu marong dikovu iti do isaai nopo popoiup dikovu sanggalas i vaig sabap di ngaranKu, i Koristus, om aui olijot iri isuli disido mantad di Kinoringan,” kadi Yisus.

Om kadi Yisus kavagu, “Isaai nopo mamajajat diri iso tulun i oluoi ginavo mamaal do duso, do aparsaya iri tulun Dogo, gaam nogi do agatan do tali i liou om limbagatan do vatu tagajo di tulun diri mamajajat, om itobung nogi dino si laut, mantad do mamajajat diri tulun i oluoi i ginavo mamaal do duso.

Om nong matonu mongovit dika mamaal do duso, sungkitono i linsou matonu. Gaam nogi do bolou sampaping matonu do masu siri Kopomorintaan do Kinoringan mantad do oulit ino matonu do potunuvon siri tapui naraka.