Popular Bible Verses from Yaya 15

Share

Iokuno irad do guvas do anggur om ikovuno irad do raanjo. Nga isaai nopo tumatap siti Dogo om Ioku nogi nga tumatap siri disido om irino monguva do asapou, do korijang kou nopo Dogo nga au kou kadapat mamaal do onuu nopo.

Tatap kouno siti Dogo om Ioku pun tumatap sino dikovu. Irad di raan nong au pointatap siri guvasjo au kadapat monguva, om irad kou nogi dino, nong aui tumatap kou siti Dogo au kou kadapat monguva, irino komoion do au kou kadapat mamaal do aandai.

Nga nong tumatap kou siti Dogo om potoouon muju i tinangaranKu siri ginavo muju, om irad nopo diri buli mokianu onuu nopo iri kouvangan muju om onuan kovi.

Om okoniko ikovu minomili Dogo, nga Ioku nono iri minomili dikovu, om tinantuKuno ikovu supaya do popoimbulai kou do tuva, irino mamaal do aandai, om i tuva muju nopo diri nga auso kotingkadan, supaya onuu nopo iri pokionuon muju si di TamaKu saralom di ngaranKu nga onuan kovi Disido.

Nong posuvolijon di tulun iri niawajo do matai gumanti di tongosongkoruanganjo nga irino au marong kojuu di songkoruanganjo.

Pointikid-tikid diri raanKu iri au monguva nga tutuon di TamaKu, om pointikid-tikid diri raan iri monguva nga pinrarapan Disido supaya gumuu marong iri tuvajo.

Itino isuuKu dikovu do misti kou moisusuli au kojuu irad Dogo iri au kojuu dikovu.

Nong soumur kou mamaal do aandai, irino tuva muju, nga rojoon do tongotulun iri vinaang do kagajaan diAmoKu, om irad nogi dino nokointalang kouno do nosiliu do tongotulunKu.

Kadi Yisus di tongotulunJo, “Iokuno irad do guvas do anggur diri oinomod, om iAmoKuno i momimiara di puun do anggur diri.

Isaai nopo iri au tumatap siti Dogo om irino taaman irad di raan, om olonot nopo iri, untunon om tutudan nogi dino siri tapui.

TinangarKu irad dino supaya opurimanan mujui i kasanangan do ginavoku om supaya aavi-avi i ginavo muju asanang.

Nong vojoon muju ino nisuuKu dikovu, atatapno do oilaan muju do au Oku kojuu dikovu, irad Dogo do minaja diri nisuu di TamaKu om atatapno do oilaanKu do au kojuu Isido Dogo.

Nga itino isuuKu kavagu dikovu do misti do moisusuli kou do au kojuu,” kadi Yisus.

Nga nong tulun kouno daa do siti vonuvo, mimang do au kojuuan kou di tongotulun siti vonuvo sabap iolono sanganu dikovu. Nga obonsi iri tongotulun siti vonuvo dikovu sabap okoni tulun kou siti vonuvo, sabap ikovu nopo diti nga piniliKu do maja Dogo.