Popular Bible Verses from MATEO 14

Share

Ashtahuangarin, ninan huaira jatarimujta ricushpami, manllarirca. Ña asha asha yacuman huashajujushpami: “¡Apunchi Jesús, quishpichihuaiyari!” nishpa, ninanda caparirca. Shina caparijhuanmi Jesusca, uchashpa Pedrota maquimanda japishpa: “¡Na tucui shunguhuan crij! ¿Imashpata na ali crircangui?” nirca.

Ashtahuangarin, ninan huaira jatarimujta ricushpami, manllarirca. Ña asha asha yacuman huashajujushpami: “¡Apunchi Jesús, quishpichihuaiyari!” nishpa, ninanda caparirca.

Ashtahuangarin Jesusca, paicunata uchalla rimashpami: “¡Shinlli tucuichi, Ñucami cani, na manllarinachu canguichi!” nirca.

Shina nijpimi, Pedroca: “Apunchi Jesús, Can cashpaca yacu jahuata purishpa, Canda tuparichun cayahuai” nirca. Shina nijpimi, Jesusca: “Shamuilla” nirca. Shina nijpimi Pedroca, canoamanda uriajushpa, Jesusta tuparingapa yacu jahuata purishpa rijurca.

Shina tucujpimi, canoapi tiyanajuj Paipaj yachajujcunaca, Jesuspaj ñaupajpi ninanda alicachishpa: “Canga, Taita Diospaj churipachami capangui” ninajurca.

Shina nijpimi, Jesusca: “Paicunaca na ringachu. Cangunallata micunata caraichilla” nirca. Shina nijpimi, Paipaj yachajujcunaca: “Ñucanchica, picha tandaguta, ishcai pijigutallami charipanchi” ninajurca.

Shina nijpimi, Jesusca: “Chaigutallapash caiman apamuichi” nirca. Shina nishpallami gentecunataca: “Cai jihua pambapi samaichi” nishpa mandarca. Jesusca, picha tandaguta, ishcai pijiguta japishpami, jahua pachata ricushpa, Diosta pashi nirca. Chai tandacunata chaupishpami, Paipaj yachajujcunaman cujpi paicunaca, tucuicunaman caranajurca.

Shina carajpimi tucuicunallata, na munangacaman micurca. Paicuna na micui ushashcataca, chunga ishcai canasta jundatami tandachinajurca.