Popular Bible Verses from JUAN 1

Share

Shinamandami, Paita chasquishpa, Paipaj shutita crijcunaman, Taita Diospaj huahuacuna cachun ushaita cararca.

Callaripica, Dios Rimashca Shimimi ña tiyarca. Chai Rimashca Shimica, Taita Dioshuanmi carca. Chai Rimashca Shimica, Diosllatami carca.

Chai michami, yana yana tutacunataca punchayachijun. Chai yana yana tutacunaca, michataca na mishai usharcachu.

Chai Rimashca Shimimi, runa aichayuj tucushpa ñucanchihuan causajurca. (Taita Diospaj shujlla Churipaj punchapamba ninan ushaihuan cajtami Paitaca ricurcanchi). Paica, ninanda juyaj, napacha llullajmi carca.

Tucui ima tiyachumbash, Paillatami rurashca, shinallata, tucui imata rurashcapash, Paihuanllata rurashcami tiyajun. Paipimi causanaca tiyarca. Chai causaimi gentecunata punchayachij micha carca.

Chai cayandi punllami, Jesús paipajman shamujujta ricushpa Juanga cashna nirca: “Ricuichi, Taita Diospaj Llamaguca caipimi. Paimi, cai pachapi causajcunapaj juchacunataca anchuchinga.

Paica, cai pachapimi carca. Cai pachapash Paillata rurashcami carca. Ashtahuangarin, cai pachapi causajcunaca Paitaca na rijsircachu. Paipaj gentecunapajmanmi shamurca. Shina cajpipash, paicunaca na chasquircachu.

Chai punchayachij michapachami, tucui gentecunata punchayachingapa cai pachaman chayamurca.

Diosca mandashca shimicunataca ñucanchiman yachachichunmi Moisesman curca. Ashtahuangarin, Diospaj juyaipash, na llullaj shimipash, Jesucristomandami shamurca.