Popular Bible Verses from 路加福音 6

Share

著互人，上帝就會互恁；伊會扼閣搖，互伊寔，閣量到滿滿，倒落去恁的衫仔帕。恁用什麼量量互人，上帝嘛會照按呢量倒轉互恁。」

好人對心內所積聚的好發出好；歹人對所積聚的歹發出歹。因為人心內充滿什麼，嘴就講什麼。」

總是恁著疼恁的對敵，好款待𪜶；借人嘛毋通向望欲收回。按呢，恁就會得著真大的報賞，閣會成做至高上帝的子兒，因為伊對忘恩背義及邪惡的人真慈悲。

恁的天父是仁慈，恁嘛著仁慈。」

「毋通批判人，才𣍐受上帝審判；毋通給人定罪，才𣍐受上帝定罪。著赦免人，才會受上帝赦免。

「恁諸個啲聽的人，我給恁講：著疼恁的對敵，好款待怨恨恁的人。 著祝福詈罵恁的人；著為著侮辱恁的人祈禱。

恁愛人按怎對待恁，嘛著按呢對待𪜶。

有人搧你的嘴䩃，另外一旁嘛互伊搧。有人剝你的外衫，內衫嘛續互伊。 有人給你求什麼，著互伊。有人搶你的物件，毋通給伊討。

「好樹𣍐結歹果子；歹樹嘛𣍐結好果子。

逐欉樹對所結的果子來知伊的好歹。𣍐當對莿挽無花果，嘛𣍐當對草刺收葡萄。