Popular Bible Verses from 路加福音 14

Share

「隨我的人若疼家己的父母、某子、兄弟、姊妹，甚至家己的性命贏過疼我，𣍐當做我的門徒。

無夯家己的十字架來隨我的𣍐當做我的門徒。

因為提高家己的，會受降低；毋拘屈低家己的，會受提高。」

仝款，恁中間無論什麼人，若無放拺家己所有的一切，𣍐當做我的門徒。」

恁中間有人想欲起一個塔，豈無代先坐落來估計看有夠錢通完成工程抑無？ 若無按呢做，伊拍地基了後煞𣍐當完成工程，所有看著的人會給伊恥笑， 講：『此個人有開始起，煞𣍐當完成！』

你請人客的時，寧可請散赤人、行動無方便的人、腳跛的人、失明的人。 按呢，你一定會受祝福，因為𪜶𣍐當給你報答。佇義人閣活的時，上帝會給你報答。」

「鹽真有路用，毋拘若失味，欲按怎互伊閣鹹？ 失味的鹽𣍐當落田，嘛𣍐當𩛩肥，只有挕拺。有耳孔通聽的，著聽！」