Popular Bible Verses from 路加福音 12

Share

所以，恁嘛著準備便便，因為人子會佇恁想𣍐到的時陣來臨。」

顛倒著代先追求伊主權的實現，諸個物件就會攏續互恁。」

伊就對眾人講：「著謹慎，著持防逐款的貪心，因為人的性命毋是在佇財產的多少。」

因為恁的財寶佇叨位，恁的心嘛會佇遐。」

恁豈有人想講操煩會當互家己的性命加活一時仔久？

耶穌閣對伊的門徒講：「所以我給恁講，毋通為著恁的性命欲食什麼啲操煩；嘛毋通為著恁的身軀欲穿什麼啲操煩。

連恁的頭毛都攏有算過。毋免驚！恁比歸群雀鳥仔閣較貴重！」

「恁細細的羊群啊，毋免驚，因為恁的父歡喜將伊的國互恁。

恁看烏鴉，𪜶雖然無種作，無收成，無粟倉嘛無倉庫，上帝嘛啲給𪜶養飼，恁豈無比許個鳥仔閣較貴重！

「所以，恁毋通干焦啲想欲食什麼，飲什麼；嘛毋通操煩。

山野的花草今仔日啲活，明仔載互人㧒落火爐，上帝都按呢給𪜶妝飾，伊閣較會給恁妝飾！恁哪即呢無信心！

無一項掩蓋的𣍐露現；嘛無一項祕密的𣍐互人知。