Popular Bible Verses from 約翰福音 21

Share

𪜶食早頓了後，耶穌問 西門‧彼得 ：「 約翰 的子 西門 ，你有疼我贏過諸個無？」 伊應講：「主啊，有，你知我有疼你。」 耶穌給伊講：「養飼我的羊仔子！」 耶穌第二遍問伊講：「 約翰 的子 西門 ，你有疼我無？」 伊應講：「主啊，有，你知我有疼你。」 耶穌給伊講：「牧養我的羊！」 耶穌第三遍給伊問：「 約翰 的子 西門 ，你有疼我無？」 彼得 因為耶穌第三遍問講「你有疼我無」，就真傷心，給耶穌講：「主啊，你逐項攏知，你知我有疼你。」 耶穌就給伊講：「養飼我的羊！

我實實在在給你講，你少年的時家己縖腰帶去愛去的所在；毋拘年老的時，你會伸雙手互人縛，給你拖到你無愛去的所在。」

伊給𪜶講：「給網拋落去船的正旁就會掠著。」𪜶就拋落去；因為拋著真多魚，煞拖𣍐起來。

西門‧彼得 給𪜶講：「我欲來去掠魚。」 𪜶給伊講：「阮嘛欲及你去。」𪜶出去，上船；彼暗，𪜶掠攏無。