Popular Bible Verses from 創世記 37

Share

約瑟 夢見一個夢，給伊許個兄哥講；𪜶就閣較怨妒伊。

佇所有的子中間， 雅各 上疼 約瑟 ，因為 約瑟 是伊年老的時生的；伊給 約瑟 做一領長手袂的外袍。

約瑟 的兄哥看著𪜶老父較疼 約瑟 ，就怨妒伊，無欲及伊好好仔講話。

後來， 約瑟 閣夢著一個夢，閣給伊的兄哥講：「恁看，我閣夢著一個夢；日頭、月娘，及十一粒星攏啲給我拜。」

伊的兄哥攏怨妒伊；伊的老父將此個事記佇心內。

約瑟 給𪜶講：「請恁聽我講我夢著什麼。 咱佇園裡縖麥捆；忽然，我縖的麥捆起來徛啲，恁縖的圍啲拜我的麥捆。」

互來！來給刣死，給伊㧒𫢶坑裡，講伊互野獸食去；咱才看伊的夢將來按怎。」

許個 米甸 的生理人對遐過的時， 約瑟 的兄哥給伊對坑裡扭起來，用二十個銀將伊賣互 以實瑪利 人。許個人就帶 約瑟 去 埃及 。

𪜶互相講：「看咧，彼個作夢的來啦。

𪜶佇遠遠看著 約瑟 ；伊猶未到𪜶遐，𪜶就計謀欲害死伊。

呂便 閣給𪜶講：「毋通互伊流血。咱通給伊㧒佇此個曠野的坑裡，毋通傷害伊。」伊按呢講，意思是欲救 約瑟 脫離𪜶的手，互伊倒去𪜶老父遐。