Popular Bible Verses from ROMANOS 1

Share

Chisɨsokapɨ aɨbu nuraxti Tupax, tyopiki tyone noñemaxti, uixh namanaiña axɨbama ikokotama ane maximiakatax ɨmoma, kusɨrɨboma axɨbama judíos takanaintyo axɨbama chɨtɨpɨ judíos.

Oboi axɨmanio omixhia manityakax ityusiankatati Tupax usukarɨ kausane besɨro nosɨboriki. Sane nantɨ iku Nikorox: “Axti naki uxia nisɨborikixhti ui ñakokonaunkuxti iyebo uiti isɨborikiboti axɨna champɨ nityakɨrux.”

Axɨna chubastaipɨ uiti Tupax usuputakai ñana, axtɨ makionkaoñɨ ñome nanaiña axɨba omixhante uiti.

Axɨma isuputaramati nuxia Tupax, chɨmanaunupɨma chɨmachampienkanapɨma ɨmoti. Ta axɨma au nityakɨrux chomixhampɨ ñakionkoxɨma sɨsioma au tomikianene.

Iñokonomati naki ñemanaunkuxatoe Tupaxti, sɨromatɨ isiu axɨbama chɨtɨpɨ matupaka, kusɨrɨbo anauma eamaintyo ñome axɨba nisamukuxti Tupax, tapɨ ɨmoti Tupax chɨsanempɨ uimia naki samamekanati ɨmo manaunkux ɨmo nanaiña naskɨbeka. Amén.

Axti Tupax ityusiankatati nityɨborixhti auki napes, manityomokonoti ɨmo namanaiña axɨbama chuxiampɨ nisɨborikixhimia ui axɨna sane chichebopɨ aisamunema axɨna uxia.

Sane naukiche, chebo uiti Tupax nauki aisamunema isiu nixhankaxɨma axɨna ɨmo nokɨso tyakuma. Nanaiña nikɨpostoxɨma muxianx ñome pikiataka paɨka pɨnanaki axɨbama ñopikianio. Isiuityo mañoñɨnka chasaramapɨtɨ ñome nikɨpostoxɨma xhanxɨma ɨmomantoe. Mañoñɨnka aɨbumantoe isamutema axɨna chuxiampɨ, sane taruku nokɨso tyakuma, sane takisɨrɨma tyaku axɨna nipɨnatema. Ui axɨna chixhanxɨpɨma aikokoromati Tupax, chebo uiti ɨmoma nauki aisamunema axɨmanio chomixhampɨ ñakionkoxɨma, nauki aisamunema axɨna chuxiampɨ.

Namatɨ taruku ñapanaunkuxɨma, sɨsioma champɨ nipiakaxɨma. Iñokonomati naki Tupax yarusɨrɨx nɨriakaxti naki champɨ nityakɨru nisɨborikixhti, tyopiki nausɨpɨtuxti ñoñɨnx naki koiñoti ñana, nubausɨpɨtu nutaumanka, numukianka noixhoboka.