Popular Bible Verses from Má-khó Hok-im 9

Share

Iâ-so͘ kā i kóng, “Lí ná kóng ‘Lí nā ōe’? Ū sìn ê lâng ta̍k-hāng lóng ōe.”

Gín-á ê lāu-pē sûi-sî hoah kóng, “Góa sìn! Góa ê sìn bô-kàu, kiû lí pang-chān!”

Iâ-so͘ ji̍p-khì chhù-lāi, i ê bûn-tô͘ su-hā kā I mn̄g, “Sī-án-chóaⁿ goán bô hoat-tō͘ kā kúi kóaⁿ--chhut-khì?” Iâ-so͘ ìn kóng, “Chit-chióng kúi chí-ū khò kî-tó chiah kóaⁿ ōe chhut--khì.”

Iâm chin ū lō͘-ēng; m̄-kú iâm nā sit-khì kiâm-bī, beh án-chóaⁿ koh hō͘ i kiâm? Lín ka-kī tio̍h ū iâm ê chok-iōng, hō͘-siōng hô-hó.”

“Bô-lūn sím-mi̍h-lâng nā ūi-tio̍h góa ê miâ chiap-la̍p chi̍t ê chit-khoán gín-á, chiū-sī chiap-la̍p góa. Chiap-la̍p góa--ê, m̄-sī chiap-la̍p góa, sī chiap-la̍p chhe góa lâi Hit-ūi.”

Góa si̍t-chāi kā lín kóng, bô-lūn sím-mi̍h-lâng, in-ūi lín sio̍k Ki-tok, ēng chi̍t poe chúi hō͘ lín lim, i it-tēng ōe tit-tio̍h pò-siúⁿ.”

Iâ-so͘ kóng, “Bô-lūn sím-mi̍h-lâng hō͘ sìn góa ê lâng tiong-kan bî-sòe ê chi̍t ê hoān-chōe, i khah hó hō͘ lâng ēng tōa chio̍h-bō kā i tiàu tī ām-kún, hiat-lo̍h hái.

Lí ê ba̍k-chiu nā hō͘ lí hoān-chōe, tio̍h ó͘ hiat-ka̍k, lêng-khó kiám chi̍t lúi ba̍k-chiu ji̍p Siōng-tè-kok, pí nn̄g lúi ba̍k-chiu hó-hó hō͘ lâng hiat-lo̍h tōe-ge̍k khah hó.