Popular Bible Verses from Lō͘-ka Hok-im 6

Share

Tio̍h hō͘ lâng, Siōng-tè chiū ōe hō͘ lín; I ōe ji̍h koh iô, hō͘ i cha̍t, koh niû kàu móa-móa, tò lo̍h-khì lín ê saⁿ-á-phè. Lín ēng sím-mi̍h niû niû hō͘ lâng, Siōng-tè mā ōe chiàu án-ni niû tò-tńg hō͘ lín.”

Hó-lâng tùi sim-lāi só͘ chek-chū ê hó hoat-chhut hó; pháiⁿ-lâng tùi só͘ chek-chū ê pháiⁿ hoat-chhut pháiⁿ. In-ūi lâng sim-lāi chhiong-móa sím-mi̍h, chhùi chiū kóng sím-mi̍h.”

Chóng-sī lín tio̍h thiàⁿ lín ê tùi-te̍k, hó khoán-thāi in; chioh--lâng mā m̄-thang ǹg-bāng beh siu-hôe. Án-ni, lín chiū ōe tit-tio̍h chin tōa ê pò-siúⁿ, koh ōe chiâⁿ-chòe Chì-koân Siōng-tè ê kiáⁿ-jî, in-ūi I tùi bông-un-pōe-gī kap siâ-ok ê lâng chin chû-pi.

Lín ê Thiⁿ-pē sī jîn-chû, lín mā tio̍h jîn-chû.”

“M̄-thang phoe-phòaⁿ lâng, chiah bōe siū Siōng-tè sím-phòaⁿ; m̄-thang kā lâng tēng-chōe, chiah bōe siū Siōng-tè tēng-chōe. Tio̍h sià-bián lâng, chiah ōe siū Siōng-tè sià-bián.

“Lín chiah-ê teh thiaⁿ ê lâng, góa kā lín kóng: Tio̍h thiàⁿ lín ê tùi-te̍k, hó khoán-thāi oàn-hūn lín ê lâng. Tio̍h chiok-hok lóe-mē lín ê lâng; tio̍h ūi-tio̍h bú-jio̍k lín ê lâng kî-tó.

Lín ài lâng án-chóaⁿ tùi-thāi lín, mā tio̍h án-ni tùi-thāi in.

Ū lâng siàn lí ê chhùi-phóe, lēng-gōa chi̍t pêng mā hō͘ i siàn. Ū lâng pak lí ê gōa-saⁿ, lāi-saⁿ mā sòa hō͘ i. Ū lâng kā lí kiû sím-mi̍h, tio̍h hō͘ i. Ū lâng chhiúⁿ lí ê mi̍h-kiāⁿ, m̄-thang kā i thó.

“Hó-chhiū bōe kiat pháiⁿ ké-chí; pháiⁿ-chhiū mā bōe kiat hó ké-chí.

Ta̍k-châng chhiū tùi só͘ kiat ê ké-chí lâi chai i ê hó-pháiⁿ. Bōe-tàng tùi chhì-phè bán bû-hoa-kó, mā bōe-tàng tùi chháu-chhì siu phû-tô.