Popular Bible Verses from Lō͘-ka Hok-im 13

Share

“Tio̍h chīn-la̍t tùi oe̍h ê mn̂g ji̍p--khì. Góa kā lín kóng, ū chin chōe lâng siūⁿ-beh ji̍p--khì ia̍h bōe-tàng ji̍p.

Ū chi̍t ê hū-jîn-lâng hō͘ siâ-sîn hū-sin, phòa-pīⁿ cha̍p-poeh nî, seng-khu oan-khiau chhun bōe ti̍t. Iâ-so͘ chi̍t-ē khòaⁿ--tio̍h, chiū kiò i lâi, kā i kóng, “Hū-jîn-lâng, lí ê pīⁿ í-keng hó lah!”

Iâ-so͘ ēng siang-chhiú kā i hōaⁿ; i ê seng-khu sûi-sî chhun-ti̍t, chiū kui êng-kng hō͘ Siōng-tè.

Án-ni, siōng lō͘-bé--ê ōe chòe tē-it; tē-it--ê ōe chòe siōng lō͘-bé.”

Chú-lâng khí-lâi koaiⁿ-mn̂g liáu-āu, lín chiah khiā tī mn̂g gōa phah-mn̂g, kóng, ‘Sian-siⁿ, chhiáⁿ kā goán khui-mn̂g!’ I ōe ìn kóng, ‘Góa m̄ chai lín sī tó-ūi lâi ê lâng.’

Góa kā lín kóng, m̄-sī, lín nā bô hóe-kái, lóng ōe chhin-chhiūⁿ in án-ni bia̍t-bông.”

M̄-kú I ōe kóng, ‘Góa kā lín kóng, góa m̄ chai lín sī tó-ūi lâi ê lâng. Lín chiah-ê choh-pháiⁿ ê lâng lóng lī-khui góa!’

Iâ-so͘ kóng, “Siōng-tè-kok chhin-chhiūⁿ sím-mi̍h? Góa tio̍h ēng sím-mi̍h lâi pí-phēng? Siōng-tè-kok chhin-chhiūⁿ chi̍t lia̍p kòa-chhài-chí, ū lâng the̍h-khì iā tī ka-kī ê hn̂g--ni̍h. Kòa-chhài chiām-chiām tōa-châng, chiâⁿ-chòe chhiū, khong-tiong ê chiáu-á mā tī chhiū-ki chòe siū.”