Popular Bible Verses from Iok-hān Hok-im 10

Share

Chha̍t lâi, it-tēng sī beh thau-lia̍h, beh thâi, beh húi-bia̍t. Góa lâi sī beh hō͘ in tit-tio̍h oa̍h-miā, tit kah chin hong-sēng.

“Góa sī hó ê bo̍k-chiá. Hó ê bo̍k-chiá ūi-tio̍h iûⁿ pàng-sak sìⁿ-miā.

Góa ê iûⁿ thiaⁿ góa ê siaⁿ, góa bat in, in tè góa.

Góa sù in éng-oán ê oa̍h-miā; in éng-oán bōe bia̍t-bông; bô lâng ōe tùi góa ê chhiú kā in chhiúⁿ--khì.

Góa sī mn̂g; thong-kè góa chit-ê mn̂g ji̍p--lâi-ê, ōe an-choân, thang chhut-chhut-ji̍p-ji̍p, koh ōe chhē-tio̍h chháu-po͘.

Góa sī hó ê bo̍k-chiá; góa bat góa ka-kī ê iûⁿ, góa ê iûⁿ mā bat góa.

Chiong iûⁿ sù hō͘ góa ê Pē pí it-chhè khah úi-tāi; bô lâng ōe-tàng kā iûⁿ tùi Pē ê chhiú chhiúⁿ--khì. Góa kap Pē sī chi̍t-ê.”

Chhin-chhiūⁿ Pē bat góa, góa mā bat Pē. Góa ūi-tio̍h iûⁿ pàng-sak sìⁿ-miā.

Bô lâng chhiúⁿ góa ê sìⁿ-miā, sī góa chū-goān pàng-sak. Góa ū koân pàng-sak, mā ū koân the̍h--tńg-lâi. Che sī góa tùi Pē chiap-siū ê bēng-lēng.”

Só͘-í, Iâ-so͘ koh kā in kóng, “Góa si̍t-si̍t-chāi-chāi kā lín kóng, góa sī iûⁿ ê mn̂g.

Hō͘ lâng chhiàⁿ--ê m̄-sī bo̍k-chiá, iûⁿ m̄-sī ka-kī ê, i chi̍t-ē khòaⁿ-tio̍h chhâi-lông lâi chiū kā iûⁿ pàng--teh, tô-cháu; chhâi-lông chiong iûⁿ kā--khì, kā in kóaⁿ-sòaⁿ.

“Góa si̍t-si̍t-chāi-chāi kā lín kóng, beh ji̍p-khì iûⁿ-tiâu, bô tùi mn̂g ji̍p, tùi pa̍t só͘-chāi pôaⁿ--kè-khì--ê, sī chha̍t, sī kiông-tō.