Popular Bible Verses from Lukas 8

Share

Ay at tibak fare at kintong sat masine fag daga, kanya kata yangay Diyus at longan sa sik taw at nadungugan. Ay kanya gafanud tuwa ay gfaning tuwa Diyus at longan anway masine ay matuyan at amatanganan. Ay kanya nasungatan tuwa anggan inke buwadan.”

Ay at kintong sas wa makmak madugi kata sik ngay taw gdungugan Diyus at longan. Ay roro matvngvd wayay ka fag ngay taw at fagafanawaun ste swa daga. Ay at fagamatanganun sa way at fagmabalanun. Nu katanya, we buwadan.

Ay at kintong sas wa batu, kanya kata sik taw taguseganan ay mafali gafanud kaduge gdungugan Diyus at longan. Ay katanya wayay, ya ntvngvd at amatanganan. Ay wa glugo nu gafanud, ay nu e gfaskud wa anya, at nadungug nalyam wan.

Ay Isus nalong sat ngay tagadal te, “Dada wan ay fagafanudun?” Ay at ngay tagadal inlimu ay nadulawan. Ay igsulitanan te, “Sinu tuy fag taw dewa at tagmara ay at lumbak gfaning tuwa at longan?”

At kintong sa sangaba day dalan, kanya kata sik taw at nadungugan Diyus at longan. Ay rodi Satanas indasug ay nabul Diyus at longan siginan ka fag taw at amatanganan, laman kanya wa gafanud ay wa mbalabag.

Katanya tuway, we masuksukan at yud umsure ban.

Ay ka fag mangena nu nasaful te, we kasuksuk, kanya kudkulugan inkakbang sas Isus ay inlub sas Isus akbang. Ay gina sis wa taw, nafoyung at fasadan at fagnatedun Isus, ay anggan at faginfiyaun mafali. Ay Isus nalong anya te, “Sena, am fagafanudun at nafafiya emu. Loi wa manabayan.”

Ay at ngay tagadal inkakbang sas Isus ay gfulo anya te, “Em Fun, em Fun! Afuloi wan. Umkafuy wa ro tam!” Ay rodi Isus infulo. Ay igsalag at tagmara ay anggan at tagbiya fag lumbak. Ay rodi tv, intuwas wan ay insiwang wan.