Popular Bible Verses from M. Mattayo 5

Share

Soti paliye okozya muyasyo nouvwinikilapo chitundu, sembe pa chikalo cha wine nipo, nawo uŵasanika ŵonse ali mng'anda. Tetyo namwe kuŵala kwanu nakusanika pa menso pa ŵantu, kuti aŵone milimo yanu iweme, amchinzike Ausu wanu ali kumulu.

Mwe nimwe msaniko wa charo cha pansi. Sungafisame munzi womangiwa pamulu pa lupiri.

Ŵopewa shuko atuŵa mitima: pakuti ŵeve amuŵone Mlungu.

Ŵopewa shuko akumvwa njala na njota yosakira vyolungama: pakuti ŵeve akute.

sembe neo numnenelani, Atemweni ŵompatani, nosengera aŵo omzuzyani

Ŵopewa shuko okavuka mu mzimu: pakuti waŵo ni ufumu wa kumulu.

Ŵopewa shuko ochitisya mtendere: pakuti ŵeve aitiwe ŵana a Mlungu.

Ŵopewa shuko olila: pakuti ŵeve apuzishiwe.

Ŵopewa shuko osulushiwa chikomo cha chilungamo: pakuti waŵo ni ufumu wa kumulu.

Ŵopewa shuko ochita chifundo: pakuti ŵeve achitiwe chifundo.

Mwina shuko mweo akaifyomtotofyani nomsulusyani nomnenelani viipa viri vyonse koŵepezya chifukwa cha neo. Sangalalani nosekera kwene kantu: pakuti chilambu chanu ni chikuru kumulu: chikomo eŵasulusya tetila aŵirizi aŵo ŵoyamba ŵanu.

Ŵopewa shuko osisikanya: pakuti ŵeve apyane charo cha pansi.

Mwe nimwe munyu wa charo cha pansi: sembe ukakukuluka munyu uyo ukondeshewe nanji? lomba sungafwe na kantu konse sembe kuliko ni kutaiwa kunja nokandiwa na ŵantu.

Chifukwa choteti mwakuingakuŵa ŵoterama mtima, nga ni mwalili Ausu wanu ali kumulu woterama.

Sembe kulaŵira kwanu nakuŵe, Inde, inde; Yai, yai: chiri chonse chupula aŵa chufumila kwa uyo nyaluŵifya.

Mwichimvwa kuti kwinenewa, Liso kulipa liso, na lino kulipa lino: sembe neo numnenelani, Msamsusya uyo ali muŵipa: sembe ali wonse ati akunyate lupi pa mbovu yako ya kwendi, umyaruzizye iyakwene soti.

Kati liso lako la kwendi likakupilingisya ulikoloŵole nolitaya: pakuti ni chiweme kwako kuti chimo cha vizo vyako chichenekewe, nte muŵili wako wamsuma kupozewa mgehenna. Soti kati chanzanza chako chendi chikakupilingisya uchitende nochitaya: pakuti ni chiweme kwako kuti chimo cha vizo vyako chichenekewe, nte muŵili wako wamsuma kuloŵa mgehenna.