Popular Bible Verses from Luka 3

Share

Lomba yenzepo apo ŵantu ŵonse ŵala akabatiziwe, naye Yesu soti akabatiziwe nolomba, makumbi ezuliwa, na Mzimu Mtuŵa emsikila na maŵonekero a muŵili wake nga ni nkunda, na lizu lifuma mmakumbi, Niwe Mwana wangu wotemweka; nutemwa nawe kwene kantu.

Yohana eyasuka eŵauzya ŵonse, Lezee neo numbatizani na manzi; lomba akuza onipula neo mpamvu, unisawamila neo kumangulula nsinga zya nkwaŵilo zyake: uyo azambatizeni na Mzimu Mtuŵa na mmulilo

Teti motwala vyotwala vyowamila kulapa mtima: msayambonena mweka na mweka, Tiri naŵo Abrahamu ausu wasu: pakuti numuuzyani kuti Mlungu mmyala iyi angampanamikire Abrahamu ŵana.

Na lomba katemo kaikiwira kaŵera mnsinde mwa vimiti: teti chimuti chiri chonse chosatwala vyotwala viweme chotendewa nopozewa mmulilo.

umo mkwilembewera mbuku la malizu a Isaya muŵirizi ula, Lizu la wokuwa mmalambo, Wamizyani katera njira ya Asikuru, Lungamikani miseo yake. Vivuka vyonse vize viundiwe, Na malupiri ŵonse na milundu vize visishiwe; Na vyobedama vize vilungamiwe, Na njira zya myala zize zisalaliwe; Na miŵili yonse ize iŵone upuzumushi wa Mlungu.