Popular Bible Verses from रोमियों 4

Share

आउर ना अबिश्वासी होऊन भाती माहापुरू चो बायदा थाने संका करलो, मान्तर बिश्वास ने जमखम होऊन भाती माहापुरू चो महिमा करलो; आउर जरूर जानलो कि जोन गोठ चो हुन बायदा करलो से, हुन हुनके पुरा करतो ने बले सकु आय।

जसन लिकलोर आसे, “मय तुके खुबे जातिमन चो बुआ ठेबाले से” हुन माहापुरू चो पुरे जेचो थाने बिश्वास करलो, आउर हुन मरलो बितामन के जिआ लो से, आउर जोन गोठमन आसे ची नाई हुनमन चो नाव असन धरू आय कि माना हुनमन आसोत।

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

हुन मुरमुरा ने बले आशा संगाऊन भाती बिश्वास करलो, ऐईकाजे कि हुन बचन चो असन कि “तुचो बंश असन होये दे,” हुन खुबे असन जातिमन चो बुआ होओ।

ऐई कारन बायदा बिश्वास थाने टिकली से कि अनुग्रह चो रीति थाने होओ, कि हुन हुनचो सपाय बंशमन चो काजे जमखम होओ, ना कि मात्र हुनचो काजे जोन नियम बिता आय मान्तर हुनचो काजे बले जोन अब्राहाम चो समान बिश्वास बिता आत; हुनी तो आमी सपाय चो बुआ आय

“धन्य आत हुनमन जोनमन चो अधरम छमा होली आउर जोनमन चो पाप ढ़ापाय गेली। धन्य आय हुन माने जेके माहापुरू पापी नी ठेबा ये।”

पवितर शास्त्र काय बले से? ऐ कि “अब्राहाम माहापुरू उपरे बिश्वास करलो, आउर ऐ हुनचो काजे धारमिकता गेनाय गेली।”