Popular Bible Verses from लुका 6

Share

आप्या कोरु, ती तुमु काजे बी आपसे. माणसे पुरो माप दाब-दाबीन एने हालवी हालवीन एने उगोवतो जायीन तुमरा खुवामा आपसे, काहाकि जीना मापोसी तुमु मापतला छे, तीनासी तुमरेन कोरता मापाय छे.”

वारलु माणूस आपना मोनोन वारला भोंडारमा गोथू वारली वाते निकावतलु, एने भुंडलु माणूस आपना मोनोन भुंडला भोंडारमा गोथू भुंडली वाते निकावतलु; काहाकि जो मोनोमा भोरलो छे चोत तेरे मुयो पोर आवतेलो छे.

बाकीन तुमरा दुष्मोन पोर मोंग कोरु, एने वारलो कोरु, एने ओवी पोछो जोळनेन आस नि राखीन उदार आपु; एने तुमरेन कोरता मोटलो फोव रोयसे, एने तुमु परमप्रधानोन पुऱ्या रोयसू, काहाकि चू तिंदरे पोर जु धन्यवाद नी कोरतेला एने बुरो कोरणे वावा पोर बी दयावू छे.

जोसू तुमरू बास दोयावू छे, तोसोत तुमु बी दोयावा बोनु.

“गुणू मा लागाळू, ती तुमरे पोर बी गुणू नि लागे, दोषी मा ठेरावू, ती तुमु बी दोषी नी ठेराये, माफ कोरु, ती तुमरी बी माफी होय जासे.

बाकीन मे तुमु सोमवने वावा काजे कोयो कि तुमरा दुष्मोनो पोर मोंग कोरु; जे तुमरे पोर दुष्मोनी कोरे, तिंदरो भोलाई कोरु. जे तुमु काजे स्राप आपे, तीनु काजे आशिष आपु; जे तुमरो अपमान कोरे, तिंदरेन कोरीन प्रार्थना कोरु.

जोसो तुमुक जुवे कि माणसे तुमरे साते कोरे, तुमु बी तिंदरे साते तोसोत कोरु.

जे तारा एक गालपोर थापुळ देय तेरे भुनी दिसरू बी फिरवी दे; एने जे तारो डोगलो हापकी लेये, तीनाक डोगलो लेणे मा रुके. जु कुदू तारे जुव मांगे, तीनाक आप दे; एने जू तारी चीज हापकी लेये, तेरे जुव घोन मांगजी.

काहनोत वारलो झाड नि होय जो बिन कामोन फोव लावे, एने नि ते काहनोत बिन कामोन झाड छे जो वारलो फोव लावे.

होर एक झाड आपना फोवोसी उवखाय जातलो छे; काहाकि माणसे झाडोमा गोथो गुलोर नि तुळतला एने नि ते झडबेरीम गोथो आंगुर.